Mən it qabağından qaçan tülkülər kimi gah bu yana, gah o yana qaçıram, mən görürəm ki, həyat və elm hey irəli, irəli gedir, mən isə qatara gecikən kəndli kimi hey geridə qalıram.
Həmişə, hər zaman belə, özümdən özümə rahatlıq yoxdur və hiss edirəm ki, öz əlimlə ömrümü qısaldıram, kimlərə isə verdiyim bal üçün ən gözəl çiçəklərimdən şirə alıram bu çiçəkləri yolub, köklərini tapdayıram. Məgər mən dəli deyiləm?
Sorinin evində yemək otağı. Sağda və solda qapı var. Bufet. Dərman şkafı. Otağın ortasında stol. Çamadan ve karton qutular. Yola hazırlıq gözə çarpır. Triqorin qəlyanaltı edir. Maşa stolun yanında dayanmışdır.