Con Maksvel Kutzee. “Seçilmiş əsərləri” İngilisdilli CAR yazıçısı Con Maksvel Kutzee (1940) ğzünün “Bəlalı torpaqlar”adlı ilk romanını 1974-cü ildə nəşr etdirmiş və qısa zamanda böyük oxucu kütləsinin diqqətini özünə cəlb etmişdir. Onun “Barbarları gözləyərkən” (1980) və “Maykl K.-nın həyatı və zəmanəsi” (1983) adlı məşhur romanları irqçiliyin tüğyan etdiyi vaxtlarda yazılmış və bu romanlar bütün dünyada insan üzərində zorakılığa qarşı güclü protest kimi qəbul olunmuşdur. Öz yaradıcılığında Kutzee əzənlər və əzilənlər arasındakı münasibətlər, fiziki və mənəvi zorakılığın təsiri altında insan şəxsiyyətinin deqradasiyası ilə bağlı yaşanan faciələr, insan varlığının kövrək təbiəti və s. kimi mövzulara müraciət etmişdir. C.Kutzee 2003-cü ildə Nobel mükafatına layiq görülmüşdür. O, 1998-ci ildə “Maykl K.-nın həyatı və zəmanəsi”, 1999-cu ildə isə “Rüsvayçılıq” adlı romanlarına görə dalbadal Buker mükafatını almış ilk yazıçıdır. Bu kitabda Con Maksvel Kutzeenin Nobel nitqi “Maykl K.-nın həyatı və zəmanəsi”, “Rüsvayçılıq”, “Barbarları gözləyərkən” və “Gənclik” romanları Azərbaycan oxucusunun ixtiyarına verilmişdir.
