Əsərin mövzusunu, yəqin ki, çoxunuz bilirsiniz. Serialı da izləyənləriniz vardır. Əvvəla, bunu deyim ki, kitabla serial arasında fərqlər var. Xüsusən, serialı uzatmaq üçün hadisələri əməlli-başlı qarışdırmışdılar
Kitabın mövzusu həm gözəl idi, həm də düşündürücü. Oxuduqca fikrimdə bir sual ortaya çıxırdı. Belə bir atanın övladları niyə bu cür olsun? Lakin qızların analarını xatırlayanda bir az anlaya bilirəm. Əgər bir ana övladına oxumaq əvəzinə "ərə getməyi" təbliğ edirsə, bacıların bir oğlan üstə bu cür davaya çıxması normal qarşılanar. Hələ ana özü də cahildirsə, bu daha acıdır. Bir atalar sözü var: "Nə tökərsən aşına, o çıxar qaşığına". Ana övladlara hansı yöndə "tərbiyə" veribsə, o yöndə də "bəhrəsini" görür. Uşaqların kiçik yaşlarından gəlin olmağı, cehizi beyinlərinə yerləşdirmək yanlışdı. Onlara elmi də yox, öyrənmə istəyini, öyrənməyi sevməyi aşılamaq lazımdı. Başqalarını qınayaraq yox, hər bir insanın halından anlamaq və ya anlamağa çalışmaqla örnək olmaq lazımdı.
Bu gün övladlarına kitab sevgisi aşılayan anaları gördükcə ürəyim fərəhlə dolur. Nə yaxşı ki, belə analar var. Məhz onlar gələcəyin duyarlı insanlarını yetişdirirlər
Hər birinizə xoş mütaliələr arzulayıram
