Kemal Badıllı
Şivên ra
Şivaniy daş di biy best û diyaran
Ne biniy qe rûye derd û xedaran
Şa di biy tu her gav bi berx û karan
Ji wan berxan yek ji ez bûma xwezî
Şuştî te dile xwe ji tevînê
Kiş dikiy keryê xwe çaxa şevînê
Tu di biyi hevalê dil û evinê
Ji hevalan yek ji ez bûma xwezî
Pif dikiy bilûrê di şevên tari
Çi dibey wan re bi kîjan zarî
Kon dibin dor lê dikin guhdari
Ji guhdara yek jî ez bûma xwezi…
( Çoban çoban sene dere tepe dolaşırsın dert ve zalimlerin yüzünü görmezsin her an oğlak ve kuzularını seversin keşke o kuzulardan birisinde ben olaydım sen yüreğini bütün kötülüklerden yıkamışsın sabaha sürünü kaldırır otlatırsın aşk ve sevgi ile arkadaş olursun keşke o arkadaşlardan biri de ben olaydım karanlık gecelerde kaval üflersin hangi dilde onlara ne söylersin dinliyorlar toplanıp etrafında senin keşke o dinleyenlerden biri de ben olaydım )
ANIKitabı okudu
Şehîda Yekemîn • M. Zahir Kayan
Di dilê min de mirin, sawên reşqeratî
xêz nedikir, bêro dimam carinan
min şopa royê winda nedikir, li ser
zimanê min çend peyvên gulîmifte û
pisporê min bezîna berikên rêvekirbûn
Di zarotiya xwe de ey kulma koletiyê,
min tu helandî di nav şîrê dayika pîroz de
Bi kenê xwe ê qerqaş min tu
qewitandî li ser sormemikên têrbûnê
Li ser lêvên jîneza min
welato!
Di nav çar dîwaran de
helkihelka mine
bîna min teng dibe
çavên min dikin
ji serê min derkevin
dikim bi fetisim
dîn bibim dîn !
ser çi ber çi
nizanim nizanim !
gelo !
Ji gilî gazin û
perwerdekirina zarokên mine !
Ji guhdariya radyo û
temaşekirina TV yên cîhanê ye !
Ji sehkirina nûçeyên şerê
birakujî û naxweyiya gelê mine !
nizanim nizanim
Tiştê ku ez zanim;
Tayekê ez girtime
sawekê ez hilanîme û
tirsekê ez girêdame…
Leşkero, şerkero !
Vegere welatê xwe
Va çerxa bîstan bi dawî hat
Li ser xaka bav û kalên min
Tu zêrevaniya min dikî?!
çi dikim, çi dixwim
Di bin çavnêrîna te de
Derbas dibim…
Kamîran !
Ev çi ewrê reşe
Xwe di ser Qamişloka evînê re
Dikişîne..!
Ev çi xemgîniyê
Di dêmê rêwiyên kolanên
Amûdê û Tirbespiyê de
Dibînim..!
Nizanim !
nizanim çi di vê bîranîna
pêncî salî de
ji Netewên Yekgirtî re
diyar bikim
Gelo !
Qerpalê şehîdekî bi xwîn
ji Senendac Agirî şernex
û Dêrsim…
Kuç û qehfikin Kurdistanî
ji entîkxaneyên Parîs Berlîn
û London …
Hestîyê zarokekî Kurd
ku ji nêz û êşan mirîye
li deşta Hewlêr û Silîvan
wêneyên çend gundên
kavil û wêran
ji bakurî Kurdistan an
cizmake bi xwîn
ji cizmeyên leşkerê
karbidestan
û pêncî singên bi xwîn
û têldirî ji nav xaka Kurdistan !
Ev çi dem û dewrane
xwe di bînim têde
Dûrbûn û sirgûnî yê
dibînim dirojan û rêde
kul û xem li şûn kêf û şahîyan
xwe didin hev û hin bi hin
tên bi pêde
wek rêwîyê rênenas
Zengîno, maldaro
Li canê xwe tenê geryawo !
Li ser xwîn û xwêdana
Xizim û belengazan jiyawo !
Ez jî weke te zanim
çi cûreyên xwarinê xweşe
çi cil û berg bi bejn û bala min dikevin..
Ajotina kîjan otomobîlê hêsane û
Rûniştina kîjan qesir û qûnaxê
Ji bedena min re rehetiye…
Lê gelo tu weke min zanî ku
çend mal li Hilêliyê, Enteriyê û
Tey bê şîv radizên?!
çend nesax ji bêdermanî
Dimirin?!
Her sal
çend şagirt û qutabî
Dûrî dibistan û zanîngehan dibin?!
Roj bi roj kerwanê bêkaran
Dirêj dibe?!
Zengîno, maldaro, xwînvexwaro !
Rojekê wê ev kerwan
Te daqurtîne
Tê di nav lingên vî kerwanî de
Winda bibe û
Kes nabêje; rehma Xwedê li tebe.
Eşqa Welat
Bihar hat, şîn bûn giya
Cil ber kirin, xemilîn çiya
Geştan bikin, ser kaniya
Ji xêzê diçît, şibhî ziya
Beraq û pak û safiya
Eşqa welat, eşqa welat
Te cerg û mêlakê me pat
ANIKitabı okudu
Qenco ji neqenco pirsî:
- Pepûko! çi te daye pey qevciyê û
zarokên te têr nan naxwin!
De hela tu jî weke min bike,
Tê bibîne bê çawa rewşa te xweş dibe..
Qenco lê vegerand:
- Ji ber yên weke min, yên weke te hene
Zarokên te para zarokên min dixwin
Ezê weke xwe bimînim tu wek xwe bimîne
Mane Kurdan ji mêj ve gotine:
"Qenc kiro bi xwe kiro, xerab kirio bi xwe kiro"
Nizanim çima min sare
Gelo, ev çi demsale?
Heger zivistan ba;
Wê berf û baran bibariya
Li ser van car û zinaran.
Ku buhar ba;
Wê hilm û bîna
Kulîlkên nû pişkivî bihata
Ji van daran.
Ku payîz ba;
Wê dengê qaz û qulingên mişextî
Bihata ji esmana.
Xuyaye dem havîne
Belê, çima roka vê havînê
Tînê nade?!
Gelo !
Birîna min xedare
Ew rê nade,
An kul û derd, di ser min re
Bûne sîber û talde?!
Koçero • Jan Dost
Tê çi bikî gava ezmanê te dasbin û
Temenê te
zadekî bê xwedî be?
Tê çi bibêjî
Kêlîka riman
Di gewrîya te de
Zeng girtibin û
Zimanê te mîxkirîbe?
Beyta Dilî ( Dilo Rabe ) • Feqîyê Teyran
Dilo rabe dilo rabe,
Veke çava, ku êvar e,
Nezan û bes di xew da be,
Bi newmê ra mebe yare..
Dil û şîrîn neke newmê,
Ji nefsa xwe bike lewmê,
Neçe nêzîka wê qewmê,
