Nüsrət Kəsəmənli " Mən səni unuda bilmirəm axı ".
NÜSRƏT KƏSƏMƏNLİ - MƏN SƏNİ UNUDA BİLMİRƏM AXI...
Mən səni unuda bilmirəm, axı,
Unutsam nələri unudam gərək.
Göylərə baxmışıq aylı gecədə,
Unutsam göyləri unudam gərək!
Dənizi unudum, ya dalğaları?
Xatirən yadımdan çıxaydı barı,
Payızda xəzanı, qışdasa qarı,
Baharda gülləri unudam gərək!
De, necə unudum mən səni, necə?
Sevgi durna deyil payızda köçə,
Yuxuma gəlirsən mənim hər gecə,
Ayları, illəri unudam gərək!
Sənin xəyalındır həsrətlə baxan,
Adındır hər saat qarşıma çıxan,
Qarışıb şəklinə gözümdən axan,
Yağışı, selləri unudam gərək!
Sinəmdə peşiman ürəyim qaldı,
Uçdun əllərimdə lələyin qaldı,
Nələri itirib, bax nəyim qaldı,
Nələri, nələri unudam gərək!
Nüsrət Kəsəmənlinin həyat yoldaşı Rəhilə Kəsəmənli:
Sevda şairin həyatında onun məhǝbbətini qazanmış bir insan olub, əgər sevgiləri baş tutmayıbsa, buna görə onları qınamaq düzgün deyil. Bir-birlərini hədsiz çox istəyiblər. Qızın da hisslərinin sonradan şahidi oldum. Sevdanı görmüşdüm. Şəkil məsələsinə gəldikdə isə, tutaq ki, o şəklin evə gəlməsinə narazılıq elədim, cırıb atdım, Nüsrətin ürəyindəki hissləri necə qoparacaqdım?
Nüsrət Kəsəmənli.
Təsadüf qəribə işlər görürmüş,
Bir səhər bir eşqin əvvəli imiş.
Ürək sevməz dedim, demə, sevirmiş,
Məhəbbət ağıldan qüvvəli imiş.
Nüsrət Kəsəmənli
Bu sevgidən sən qorxursan, eybi yox
Mən sevǝrǝm ikimizin yerinə.
Bu eşq üçün bir gün dara çəksələr,
Mən gedərəm ikimizin yerinə.
Min əzabdır sənsiz keçən hər günüm,
Unutmuşam yaxşı-yaman fərqini
Bu sevginin dağ əridən dərdini,
Mən çəkərəm ikimizin yerinə.
Sayfa 127Kitabı okudu
Mən səni unuda bilmirəm axı
Mən səni unuda bilmirəm, axı
Unutsam nələri unudam gərək
Göylərə baxmışıq aylı gecədə
Unutsam, göyləri unudam gərək!
Dənizi unudum, ya dalğaları?
Xatirən yadımdan çıxaydı barı
Payızda xəzanı, qışdasa qarı
Baharda gülləri unudam gərək!
De, necə unudum mən səni, necə?
Sevgi durna deyil payızda köçə
Yuxuma gəlirsən mənim hər gecə...
Ayları, illəri unudam gərək!
Sənin xəyalındır həsrətlə baxan
Adındır hər saat qarşıma çıxan
Qarışıb şəklinə gözümdən axan
Yağışı, selləri unudam gərək!
Sinəmdə peşiman ürəyim qaldı,
Uçdun əllərimdə lələyin qaldı...
Nələri itirib, bax nəyim qaldı
Nələri, nələri unudam gərək!
Nüsrət Kəsəmənli.