Payız adam
@payizadam
Həyat onun ürəyini oxuyan müğənni tapa bilməyəndə, o, onun ağlı ilə danışan filosof yaradır! 
Halil Cibran
Halil CibranYazar
11 okur puanı
Aralık 2020 tarihinde katıldı
Viktor Hüqo qələmi ilə ilk tanışlığım bu kitabla oldu. Yeni-yeni oxumağa başlayan biri üçün hədsiz ağır və yorucu olsa da, kitabın ilk 150 səhifəsindən sonra rəvan şəkildə axıb getdiyini deyə bilərəm.
Yazarın Parisi necə çox sevdiyini əsərin hər köşəsində yer alan uzun və bəzən yorucu tarixi memarlıq izahlarından görmək olur. XV əsrin adət ənənələrini, yaşam tərzini, geyimlərini, memarlıq incilərini və əsərin baş qəhramanı olan Notr-Dam kilsəsini böyük ehtişamla təqdim etməkdən yorulmayan yazara ara-bir isyan etdiyim də oldu.
Lakin bu əsərin möhtəşəmliyi və dərinliyi də, aid olduğu dövrün ruhunu yansıdan memarlığın hələ mətbəə və çap yaranmazdan öncə bilgini və fikir axımlarını qoruyub saxlayan və gələcək nəsillərə ötürən ən vacib ünsür olduğunu bizə çatdırmasındadır.
Bu qədər zəngin tarix bilgisiylə, antik yünan və şərq ədəbiyyatı, dinlər və inanclar haqqında müşahidələrini qələmə alan yazarın dərin savadına heyran olmamaq mümkün deyil. Nə qədər yorucu gəlsə də və şəxsi zövqümlə uyğunlaşmasa da, əsərin ağırlığına dərin hörmət yarandı məndə.
İndi isə əsərdəki insani, əxlaqi, mənəvi və maddi dəyərlər fonunda baş verən hadisələr haqqında fikrimi yazmaq istəyirəm. Oxucu həqiqətən bu kitabın dərin qatlarına endikcə orada kök salan qarışıq dini etiqadların, gözəllik və çirkinliyin, ədalət və mərhəmətin, köləlik və azadlığın, insana xas olan müsbət və mənfi keyfiyyətlərin çarpışmasını və bunların lal şahidi olan Notr-Damın (kilsə avtoritarlığının) insanları sürükləyib heçliyə, mövhumatçılığa və insafsızlığa necə apardığını görə bilər. Toxunulan mövzular o qədər fövqəlbəşərdir ki illər keçsə də insan təbiətinin iç üzünə baxmaq istəyənlər məhz belə əsərlərə müraciət edəcəklər.
Əsərdə Esmiraldaya olan məhəbbətlərin müqayisəsində üç fərqli qəlblə tanış oldum. Oxucu da əgər
Reklam
HobbitMacera
İnanılmaz macəralar, mükəmməl qəhramanlıqlar, həyat və əyləncə dolu mahnılar, gülüşlər, möhtəşəm mənzərələr və daha nələrlə zəngin gözəl bir kitab! Bir dünya!
Tolkienin yaratdığı bu dünyanın hər köşəsini cənab Bilbo Bagginslə bərabər dolaşıb macəralarına şahid olmaq gözəl idi. Tolkienin fantastik təxəyyülündə baş verən hadisələrə daxil olduqda, mənim üçün duyduğum ən gözəl hiss, öz həyatıma yeni macəralar qatmaq istəyi oldu. Bu istək inanıram ki bu kitabı oxuyan hər kəsdə yaranıb. Çünki bir zamanlar evindəki rahatlıqdan xoşnut, özünü çətinliyə salmağı sevməyən, çətin anlarla üzləşəndə daima şikayətlənən və evdə olmağı arzulayan Bilbo`nu dəyişdirən, ona həyat təcrübəsi qazandıran, əsl potensialını görməsinə, və bunu dürüstlük və əxlaq çərçivəsində etməsinə imkan yaradan bu səyahət, oxunması lazım olan çox gözəl kitablardan birində, ən gözəl şəkildə təsvir olunub!
Həyatınıza yeni macəralar qatmanız üçün sizi ruhlandıracaq bir kitab istəyirsinizsə, ən yaxın kitab mağazasından Hobbit`i soruşun.
Sındırılmış QanadlarAşk
Mənim ruhuma ən doğma gələn yazarlardan biri və bəlkə də birincisi Xəlil Cübrandır. Bu kitab onun yaşadıqlarını qələmə aldığı xatirələridir. Millətlərin çürük qanunları və eybəcər "mentalitet" illuziyasının sürüklədiyi uçurumdan atlayan növbəti qurbanın hekayəsini dinlədim. Cübranın öz mənəviyyatı və xəyalpərəst dünyasındakı əxlaqi dəyərləri ilə yaşadığı iztirabları mükəmməl bədiiliklə sorğuladığı bu səhifələrdə, o həm də məhəbbətin yetkin obrazını göstərir. Oxucu fədakarlıq və aciziyyət, qərarsızlıq və təslimiyyət, hünər və qorxaqlıq arasında incə cizgiləri tanımaq istəyirsə, bu kitaba göz atsın. Xoş mütaliələr!