Aybəniz İmanlı
@satisfied
Azərbaycan dili və ədəbiyyatı müəllimliyi
Azərbaycan Dövlət Pedaqoji Universiteti
Bakı
15 Eylül
7 kütüphaneci puanı (Geçen ay: 1)
302 okur puanı
Kasım 2022 tarihinde katıldı
Şu anda okuduğu kitaplar
Okuma Hedefleri
Xoşbəxtlik nədir?..
Kitabda deyildiyi kimi "Təsadüf deyə bir şey yoxdur". Geridə qalan təqvim ilinin son günündə mənim bu kitabı oxumağımın da təsadüf olmadığı kimi.
Kitabın təhkiyə dili,yanaşmalar,gətirilən sitatlar,gerçəkliklə uzlaşdırmalar və s. o qədər mükəmməl idi ki...
Süjet xətti müxtəlif ölkələrdən seçilmiş 8 şəxsin (+özəl bir şəxs) xoşbəxtlik axtarışında olmalarından ibarətdir. Onlar bu axtarışı dünya ölkələri sırasında müxtəlif cəhətlərinə görə birinciliyə sahib ölkələr arasında aparırlar. Bu zaman dilimində bir çox şəxslə qarşılaşırlar,onların yaşamlarından dərslər çıxarırlar. Eyni zamanda,oxucular da seçilmiş səkkiz şəxsin həyat hekayələrinə bələd olmuş olurlar.
Kitabı fərqli cür düşünürdüm,ancaq düşündüyümün tam əksinə məndə iz buraxacaq kitablardan biri oldu.
Xüsusilə,gənc bir yazarın ilk qələm təcrübəsi olaraq yanaşdıqda əsərin mükəmməlliyinin fərqinə daha gözəl varmaq olur.
Ümid edirəm ki,yazar— 
Asəf Hüseynov yaradıcılığına davam edib,oxucuları daha da gözəl nümunələrlə tanış edər.
Oxuyacaq olanlara xoş mütaliələr.
Aylar öncədən oxumağı düşünüb,ancaq oxuya bilmədiyim həmin kitab.
Öncəliklə,əvvəldən sona qədər süjet xətti oxucunun diqqətini cəlb edir və qısa zamanda bitirmək istəyirsən.
Kitabda toxunulan məsələlər—boşluqlar,münasibətlərdəki ziddiyyətlər və s. çox gözəl ifadə olunub.
Ümumilikdə baxsaq,toxunulması vacib olan nöqtələrdir.(valideyn etinasızlığı;təhsil sistemində gəncləri uçuruma aparan boşluqlar;dostluq,sevgi münasibətlərində atılan yanlış addımlar;cəmiyyətdə "dəyər" adı ilə insanların həyatının məhv edilməsi və s.)
Sevmədiyim məqamlar da oldu,lakin bunlar tərəzinin ağır gözünü təşkil etmir.
Sevmədiklərim,kitabda bəzi yerlərdə sadə sözlərin varvarizm qarşılığının işlədilməsi,vulqar sözlərin dərəcəsi,orfoqrafik yanlışlar və bir neçə yerdə şiddət və insan vəhşiliyinin daha üst səviyyədə oxucuya təsir etməsi oldu (doğrudur,bu cür yazı üslubunu sevən oxucular da yetərincədir,amma mənim subyektiv fikirlərimdir).
Son olaraq,yazıçıya— 
Nəimi yaradıcılığının davamında uğurlar diləyirəm,əminəm ki,daha da mükəmməl yazı nümunələri olacaq.
İlk dəfə bir kitabı göz yaşlarım ilə bitirdim...
Kitabın hələ ilk səhifələrindən əsas qəhrəman öz xüsusiyyətləri,davranışları ilə diqqətimi cəlb etmişdi. Hər başlığı xüsusi maraqla oxudum. Ehh Martin... Sənin yaşadıqların,həyatının necə tamamilə çevrilməsi,vaxtilə ən yaxın bildiklərin,dəyər verdiklərinin artıq sənə yadlaşması,daxilində vulkanların püskürməsi,lakin sənin onları heç bir kəsə açıb deyə bilməməyin məndə unuda bilməyəcəyim izlər buraxdı.
Kitabı xüsusilə yaşamımın bu zaman dilimində oxuduğum üçün özümü çox şanslı hesab edirəm.
Martin İden
Okur Takip Önerileri
Universitetdə müəllimim dialekt sözləri seçib təhlil etməyim üçün bu kitabı tövsiyə etdi...
30 söz yazsaydım kifayət edirdi , lakin kitabı yarım qoya bilmədim...
Öncəliklə Elçin Əfəndiyev qələmi ilə tanış deyildim. Bu,yazıçının oxuduğum ilk əsəridir.(davamı olacaq böyük ehtimal)
Əsər 1984-cü ilə aiddir. Hadisələr Bakı kəndində cərəyan edir. Öncəliklə əsərdəki hadisələrin baş verdiyi məhlə təsvir edilir. Obrazların xarakterləri çox dərin lövhələrlə oxuculara çatdırılır.
Davamında isə II Dünya Müharibəsinin başlaması ilə əsas düyün vurulur.
Məzmundakı incə məqamlara toxunmaq istəmirəm. Yazıçının dili həm rəvan,həm də aydındır.
Azərbaycan ədəbiyyatından tərəddüd etmədən oxuya biləcəyiniz bir əsər.
Elçin
Yazacağım ilk incələmə olduğu üçün bilmirəm fikrimi tam ifadə edə biləcəm ya yox, yenə də qalsın))
Bu kitaba bir neçə dəfə başlamaq istəmişəm, amma nədənsə alınmayıb hər dəfəsində(demək ki, qismət ən çətin imtahanına 2 gün qalmış oxumaq imiş)
Stefan Zweig qələmindən oxuduğum 4-cü kitab oldu. Hər birini bəyənmişdim, səhifə sayının az olmasına baxmayaraq əsərlərinin ideyası—yazıçının oxucuya çatdırmaq istədiyi fikir çox vacib və önəmlidir.Bu kitabın əvvəlindən bir neçə səhifə sıxıcı gəldi mənə, ancaq davamı çox axıcı oldu. Əsər qəhrəmanın həyatının müəyyən bir dövründən sonra tamamən hissizləşməsi, özünün belə edəcəyini düşünə bilmədiyi davranışı, sonradan isə rastlaşdığı şəxslər,yaşadığı fərqindəliklərlə davam edir... Mənim ən sevdiyim və kitabın bitməsini istəmədiyim hissəsi isə məzmunun nəticəyə doğru irəlilədiyi hissə—obrazın həyatında əsl xoşbəxtliyin əslində nələrdən ibarət olduğu sualına cavab tapması oldu. Oxuyacaq hər kəsə xoş mütaliələr.
Stefan Zweig
Olağanüstü Bir Gece
