Aleksandr Belyayev elmi-fantastika mövzusunda bir sıra əsərlərin müəllifidir. "Amfibiya adam" onun ən çox tanınan əsərləri sırasındadır. Əsər qeyri-adi bir məzmuna malik olsa da olduqca maraqlıdır. Qısaca mövzusu haqqında danışım:
Amfibiya adam" dedikdə yəni dənizdə yaşaya bilən insandan söhbət gedir. Qeyri-adi əməliyyatlar həyata keçirən, fərqli sahələrlə məşğul olan bir həkim bu adamı yaradır. Onun bəzi orqanlarını müxtəlif balıqların, suda yaşayan heyvanların orqanları ilə əvəz edir. Beləliklə də "balıq adam" yaratmağa nail olur. Dənizdə bu qeyri-adi varlığın peyda olması insanları maraqlandırır. Hər kəs amfibiya adamı tutmaq niyyəti ilə gəmilərlə yola çıxır, ekspedisiyalar təşkil olunur. Əlbəttə hər birinin məqsədi pul, şan-şöhrət və s. olur. Amma amfibiya adam sağ qalmaq üçün onlardan gizlənməlidir.
Əsərin sonluğu oxucunun öhdəliyinə buraxılmışdı. Amfibiya adamın sonrakı taleyi, başına gələnər bilinməz olaraq qalır. Bu məncə əsəri daha da maraqlı edən xüsusiyyətidir. Amma mən inanıram ki, vəfasız və həris insanlardan çox uzaqlarda, dənizin dərinliklərində yaşamını davam etdirməyi bacara bildi. Buna inanmaq istəyirəm. Çox gözəl, maraqlı bir əsərdir. Kinosu da var amma çox uğurlu alındığını deyə bilməyəcəm...
Íncələmə bu qədər. Oxumaq istəyən hər bir kəsə xoş mütaliəl
Amfibiya AdamAleksandr Belyaev · Altun Kitab · 03,479 okunma
Hər zaman itlər insanların sadiq dostudur deyirlər. Bu əsər deyilən fikrin doğruluğunu bir daha sübut edir. Mənim oxuyub təsirləndiyim əsərlərdən biridir. Mövzusu, ideyası hər biri ayrı-ayrılıqda mükəmməldir. Mən bu kitabı 1 gündə oxuyub bitirmişdim. Həm hadisələr axıcı baş verirdi həm də maraqlı gəlirdi mənə sonu.
Lessi varlı bir ailənin itidir. Ailə müflisləşdikdən sonra öz itlərini də satmaq məcburiyyətində qalırlar. Lakin Lessi öz "ailəsinə", balaca dostuna hər zaman sadiq qalır. Hətta təsəvvür edin ki, başqa bir ölkəyə aparılsa belə oradan qaçıb yenidən sahibinin yanında qayıdır. Bəli, hər nə qədər çətin olsa da sonda bunu bacarır.
Həmçinin əsərdə yalnızca Lessinin sadiqliyindən danışılmır. Müəllif həmçinin bu yolla insanların sədaqətsizliyi, bir sıra haqsızlıqlar, ətrafındakılara qarşı paxıl olan bəzi insanların həzin sonu və s. bu kimi məsələlərə də toxunub.
Bu haqda daha çox uzatmaq istəmirəm. Ínsana çox gözəl duyğular, fikirlər aşılaya biləcək bir kitabdır. Əgər maraqlı gəldisə sizə mən oxumağı məsləhət görərdim :)
Xoş mütaliələr!