Gulnara Khaled
@worman
Azərbaycan
Azərbaycan
11 okur puanı
Şubat 2021 tarihinde katıldı
Anna Karenina
Kitab bir evin, bir ailənin problemindən başlayır və bütün Rusiyanın çətinliklərinə toxunur. Kitabı əlinizə alan kimi elə ilk sətirləri sizi kitabı oxumağa yönəldəcək " Bütün xöşbəxt ailələr bir-birinə bənzəyirlər, bədbəxt ailələrinsə hər biri özünə görə ayrı cür bədbəxtdir " Əsər Oblonskilərin evində xəyanət xəbəri ilə başlayır, ailə başçısının xəyanəti ailəni kökündən silkələyir.
Anna obrazı hisləri dolaşıq düşmüş, həyatda azıb qalmış bir qadındır. Onun hər şeyi var: əri, oğlu, evi, sərvəti.. Amma o bunlardan imtina edir. O aşiq olur və bununla da hər şey çətinləşir. Bu obraz mənə görə çox ziddiyətlidir. Başına gələnlərə görə yazığınız da gələcək hətta bəzi məqamlarda haqq belə qazandıracaqsız, sevgilisi üçün hətta oğlunu belə atmasına görə isə nifrət edəcəcəksiz. Tolstoy qəhrəmanlarında bir nüansı sevirəm. O heç vaxt ideal obraz yaratmağa çalışmır, əksinə tam təbii obraz yaradır; səhfləri və düzləri ilə.
Bir də əgər Tolstoydan kitab oxumamısınızsa onun haqqında bir neçə faktı paylaşıram ki, seçimi özünüz edəsiniz.
Tolstoy 1800 səyfəlik kitabı çox qısa müddətə yazaraq dünyanın ən uzun kitabları müəlliflərindəndir. Açıqlaması isə belə olmuşdu " Bağışlayın ki, uzun yazıram, qısa yazmağa vaxtım yoxdur :) "
Tolstoy Rusiyanın 2 ən məşhur yazarından adı daha qısa olanıdı :)
Xiristiyanlığı yerin dibinə soxub, İslamı göylərə qaldırdığını o qədər gözəl gizlətmişdirki, yazdığı Hz. Muhammed kitabı Rusiyada hələ də tapılmır.
"Hərb və sülh" kitabı ilə dünayaya çatdırdı ki, bir müharibəni onun qədər canlı, yaşanmış yazan yazar yoxdur.
Çox sadalaya bilərəm amma zamanınızı çox almayım. Kitabı mütləq oxumağı tövsiyə edirəm.
Reklam
Kitabın əsas mövzusu fərqli həyatlar yaşasalar da bir gün yolları kəsişən 2 qadından - Məryəm və Leyladan bəhs edilir. Məryəm 15 yaşında ikən 45 yaşında Rəşidlə məcbur evləndirilir. Məryəmin ən çətin həyatı da elə bundan sonra başlayır. Leylaya gəkdikdə isə o tam uşaqlıq həyatı yaşayarkən müharibə onun həyatını tamamilə dəyişir. O da 14 yaşı olanda Rəşidlə evlənir. Bu iki qadın əvvəl bir-birinə nifrət etsə də sonra əslində onların eyni taleli olması onları barışdırır və onlar bərabər mübarizə aparmağa başlayır. Məryəm Leylanı qızı kimi görür və onun bu çirkin həyatdan qurtulmasını istəyir. Kitab başdan - başa maraqla oxuyacağınız səhnələrlə doludur, inanın. Ümumiyyətlə, onu deyim ki, kitab oxumaq istəyib "Maraqlı kitab olsun, kitaba daha da həvəslənim" deyənlər üçün Xalid Hüseyni kitabları möhtəşəm başlanğıcdır.l
Kitabdan mənə maraqlı fikirləri sizlərlə bölüşürəm.
" Adamlar öz sevgilərini əvvəlki uşaqlarına verirlərsə, sonrakı uşaq nəyinə gərəkdir onların?!"
" Yadında saxla qızım, həmişə şimalı göstərən kompas kimi kişinin günahlandıran barmağı da mütləq bir qadını işarə verər"
Kitabın əsas mövzusu fərqli həyatlar yaşasalar da bir gün yolları kəsişən 2 qadından - Məryəm və Leyladan bəhs edilir. Məryəm 15 yaşında ikən 45 yaşında Rəşidlə məcbur evləndirilir. Məryəmin ən çətin həyatı da elə bundan sonra başlayır. Leylaya gəkdikdə isə o tam uşaqlıq həyatı yaşayarkən müharibə onun həyatını tamamilə dəyişir. O da 14 yaşı olanda Rəşidlə evlənir. Bu iki qadın əvvəl bir-birinə nifrət etsə də sonra əslində onların eyni taleli olması onları barışdırır və onlar bərabər mübarizə aparmağa başlayır. Məryəm Leylanı qızı kimi görür və onun bu çirkin həyatdan qurtulmasını istəyir. Kitab başdan - başa maraqla oxuyacağınız səhnələrlə doludur, inanın. Ümumiyyətlə, onu deyim ki, kitab oxumaq istəyib "Maraqlı kitab olsun, kitaba daha da həvəslənim" deyənlər üçün Xalid Hüseyni kitabları möhtəşəm başlanğıcdır.
Kitabdan mənə maraqlı fikirləri sizlərlə bölüşürəm.
" Adamlar öz sevgilərini əvvəlki uşaqlarına verirlərsə, sonrakı uşaq nəyinə gərəkdir onların?!"
" Yadında saxla qızım, həmişə şimalı göstərən kompas kimi kişinin günahlandıran barmağı da mütləq bir qadını işarə verər"
Müəllifin sayca 16-cı kitabıdır. Deyərdim ki, qismən aftobioqrafikdir. Bu romanda macera dolu romantika ilə komediyan bir araya gətirilib. Birinci romanındakı Polu bu romanda da izləyirik. Ancaq fərqli ampulada. Qısacası, təsəvvür edin ki, rəfiqəniz sizin yerinizə tanışlıq saytında qeydiyyatdan keçir, sizin əvəzinizə bir insanla tanış olur və sizi onunla görüşdürür. Reaksiyanız necə olar? Amma onu da deyim ki, o rəfiqənin sayəsində 2 insan bir-biri üçün yaradıldığını dərk edir. Pol yazıçılıqdan başını götürüb qaçan yazar, Mia isə problemlərdən başını götürüb qaçan aktrisa )) Bu kitabdakı gəlinən qənaət çox xoşuma gəldi: Şərt deyil ki, qadın və kişi bir - birinə yaraşa. İnsana geyim, ayaqqabı yaraşa bilər. Cütlük ola bilməsi üçün qadın və kişi bir-birini tamamlamalıdır. Bir-biri ilə dərdləşməli, gülməli, ağlamalı və qarşılıqlı anlaşma olmalıdır.
Bir sözlə, oxumağıma peşman olmadım. Əksinə, qadın və kişi psixologiyasında, yaşayışında bilmədiyim bəzi nüansları öyrəndim. Xoş mütailələr!
- Həyatına qonaq olduğum növbəti qadın çətin həyat yolu və qırılmaz ümidi ilə V. Diriedir. Yaxşısı və pisi ilə həyat hekayəsini qələmə alan Varis, bu kitabla məni təəcübləndirdi və duyğulandırdı. Bir səhra köçərisindən məşhur modelliyə, səfirliyə uzanan, ancaq yaşayanın anlaya biləcəyi kədərli hadisələrlə dolu həyat hekayəsi sizlərə çox şey öyrədəcək. O sizə necə model olmağı öyrətmir. O sizə qadın olmaqdan danışır. Dəfələrlə cinsi təziqlərə məruz qalması üstəlik bunların içində hələ də insan olanın ağlının dərk edə bilməyəcəyi pedofili də var, onu qadın olmaqdan utandırmır. Çünki ona və milyonlarla qasına unudulmaz travmalar yaşadanlardır utanmalı olan. Varis 5 yaşında qadın sünnətinin qurbanı olur,13 yaşında olanda 65 yaşlı kişiyə 5 dəvə qarşılığında verilir. Və o bu səhralardan qaçır. Bununla onun çətinlikləri bitmir; həyatının 2ci hissəsi başlayır. Səhradan Bostona, Parisə və bir çox ölkələrə uzanan bir hissə. Varis dünyaya qadın sünnətinin dəhşətini tanıtdı. İlk dəfə bu sözü eşidəndə mənə maraqlı gəldi. Qadın sünnəti?! Bəli, bu birbaşa gender soyqrımıdır hətta. Məncə oxuyun və özünüz qiymət verin. Xoş mütaliələr!
