İlqar Kamil İletileri
İlqar Kamil iletilerini, İlqar Kamil okur görüşlerini 1000Kitap'ta bulabilirsiniz.
Əvvəlimi bilirsən, əzizim,
yaxın gəl, sənə axırımı danışım:
Səndən sonra
saçının hörükləri kimi dolam-dolaşıq həyatda
yaşamaq asan olmadı, olmadı
başqalaşdım başqalaşdıqca
məndə özümdən əsər-əlamət qalmadı, qalmadı...
Söylə indi kainatın hansı məhbəsindəsən?
Söylə görüm bulud varmı,
yağış varmı orda da?
heç olmasa, ax insafsız,
əllərin də yoxdu ki,
axşam-axşam darıxanda
adam tuta, təsbeh kimi oynada...
©İlqar Kamil.
İlqar Kamil
Cırtdan it hürən tərəfə gedərsə...
Allah ömür verə, müdriklik yaşına çatasan, övladlarını qarşına qoyub belə nəsihətlər də verəsən onlara; məsələn, soyuq bir qış gecəsi, çırta-çırtla yanan odun sobasının böyründə, çiyninizdə damalı yun ədyal oturub bir kitablıq susduqdan sonra deyəsən ki, şəxsiyyətini hər şeydən üstdə tut, oğlum, yoxsa dostlar da
İlqar Kamil - "Polad Necə Bərkidi" (səh 62)
Nə qədər doğru düşüncədir, bilməzdi, amma məncə, bəzi insanlar gerçəkdən də Allaha lazımdırlar, onlar burda olmalı, yaşamalı, gəzməli, danışmalı, susmalı... “baxımlı oyun” göstərməlidirlər. Düşünün, adam deyir, İlahi, yorulmuşam, əzilmişəm, oyundan çıxmaq, Sənə gəlmək istəyirəm. Allah cavab verir: “Qal, hələ qal, sən mənə orda lazımsan”
“Oğul, mənə elə gəlir, yaxşı adamlar Allaha da lazımdır, odur ki onları tez aparır yanına”.
İlqar Kamil
Ümidlər saralıb solursa
xəyalın gedirsə, gəlirsə
o özü hər şeyi bilirsə
ha susdun, ha dindin,
nə fərqi?
Çatırsan, su deyil,
sərabdır
aldanmaq çox ağır əzabdır;
onsuz da bu qatar xarabdır
ha düşdün, ha mindin,
nə fərqi?
Yenə geyinmisən, nədi,
vaxtdı ki?
Qərar ver, ürəyimiz çıxdı ki.
Ay yazıq, gözləyənin yoxdu ki.
Ha getdin, ha döndün,
nə fərqi?
İlqar Kamil