Musa Yaqub Sözleri ve Alıntıları
Musa Yaqub sözleri ve alıntılarını, Musa Yaqub kitap alıntılarını, Musa Yaqub en etkileyici cümleleri ve paragragları 1000Kitap'ta bulabilirsiniz.
Vəfasız, dünyadan vəfa umanda,
Dünyaya adamın yazığı gəlir.
Mən həyat qədrini, ümid qədrini
Ümidsiz olanda, bilmişəm heyhat!
Bu dünyada sevinc də var, dərd də var, Hərəsi bir yana çəkər könlümü.
Yaxşı ki, namərd yanında mərd də var,
Biri söksə, biri tikər könlümü.
Ruhumla söhbət
Olmaz ki, nəyəsə etibar edim.
Özümü yox edib, səni var edim.
Qışqırma içimdə, azadlıq deyə
Azadlıq nə gəzir bu yer üzündə,
Azadlıq gəzirəm elə özüm də…
Səbr kasasıdır mənim ürəyim, Səbri ölüb, quru kasası qalıb.
Mənsə öz içimdə çəkib cəzamı,
İçib dolaşıram səbr kasamı.
Vurub qəzəbimi, boğub hirsimi
İldırımlar keçir hər bir əzamdan,
Hər dəfə içəndə səbr kasamdan.
Öyrətmə özünə, öyrətmə məni
Taleyin qisməti rast saldı bizi.
Yolumuz hardasa qırılacaqsa,
İtirəcəyiksə bir-birimizi,
Xatirəm yadında qalmayacaqsa.
Bu əllər mənimki olmayacaqsa,
Bu tellər mənimki olmayacaqsa
Sən allah, özünə öyrətmə məni,
Hicran qoxusuyla göynətmə məni.
Əlimi saçına öyrətmə belə,
Gözümü gözünə öyrətmə belə;
Üzümü üzünə öyrətmə belə.
Sözün məlhəm oldu qol-qanadıma,
Xeyli yaşadacaq məni bu ümid.
İndi nazın böyük, ürəyin aram
Eh, mən də səninçün belə qalmaram.
Bir də görərsən ki, bir ərk yerin yox.
Qalmısan neçə yad baxışın altda.
Qəfil görəcəksən çətirin də yox,
Əsirsən bir qərib yağışın altda
Günəşdə üstünə kölgə salan yox,
Tənhasan, amma heç yada salan yox.
Sönüb səndən ötrü o isti ocaq,
Onda biləcəksən mənim sevgimi.
Biləcəksən, o da çox gec olacaq.
Ya yetir bizləri axır zamana
Ya da at ömrümü bir az o yana
At məni bir ali-məqam vaxtına,
İnsanın səmimi salam vaxtına, Biri-birimizə inam vaxtına
Sən məni ədalət taxtına yetir
İnsanın insanlıq vaxtına yetir.
Həmişə xoş olan halın tövrünə,
Ürəyin ən dərin guşələrində
Bəslənən sevginin məktub dövrünə.
Sən məni məhəbbət mehrinə qaytar
Gözəl meşələri hasarsız görüm,
Namusu, qeyrəti bazarsız görüm
Bir görüm hiyləsiz göz necə olur,
Bir görüm pərdəsiz üz necə olur.
Bir görüm yalansız söz necə olur.
Sən məni ədalət taxtına qaytar
İnsanın insanlıq vaxtına qaytar.
Şəfəqlərə ümid olmasa idi,
Səhərlərə ümid olmasa idi,
Durnalar neylərdi,
Biz neyləyərdik?!
Beş-altı günlük
Özüm də bilmirəm çatışmır nəyim, Nədənsə təkliyə qaçır ürəyim
beş-altı günlük Əvvəlki tövr ilə qaynasın şəhər,
Yenə də öz dəcəl uşaqlarıyla
oynasın şəhər.
Mənimsə könlümdə başqa bir aləm,
Bir özüm olaram, bir də düşüncəm
beş-altı günlük.
Uzaq düşəcəyəm dərdi-sərimdən,
İncə bir yalanla
çıxıb aradan
Qaçmaq istəyirəm əzizlərimdən
beş-altı günlük.
Biri var könlümü yaman sındırıb,
Özü yanan deyil
məni yandırıb;
Onu da vecimə almayacağam
beş-altı günlük.
O qədər səbirli olacağam ki,
Soyuq baxışlara, nadan sözünə
O qədər biganə qalacağam ki,
beş-altı günlük.
Ruhumla söhbət
Gözəgörünməzim, can tutalcağım,
Salam, Ruhum, salam!
Salam dustağım!
Hərdən özüm kimi boylanıb göyə,
Qışqırma içimdə azadlıq deyə.
Səni buraxmaram, yalvarma yetər,
Taqəti, mayası sənsən canımın
"Sanma bircə ləhzə keşikçim yatar,
Fikri qalıb məndə nigahbanımın?"
Bütün gündüzümdə, gecəmdə oxu,
Ayağım keşikçi, dilim keşikçi -
Olmaz ki, nəyəsə etibar edim.
Özümü yox edib, səni var edim.
Qışqırma içimdə, azadlıq deyə -
Azadlıq nə gəzir bu yer üzündə,
Azadlıq gəzirəm elə özüm də...
Sayfa 173
Gətirdiyin güllər qaldı mənimlə,
Mənimçin isti əl, şirin söz oldu.
Könlüm darıxanda baxdım o gülə,
O sənin gözünlə mənə göz oldu.
İlk baharı aparılmış
Dartım-dartım
Budağından qoparılmış
Bir pöhrənin
Sızıltılı yeri kimi
Yerin qalıb ürəyimdə.
Bilirəm özünə tutur qəzəbin,
Eh, unutmaq olsa nə var ki, haqdı.
Bütün hicranların nədir səbəbi,
Elə unutmağı bacarmamaqdı.