Musa Yaqub Gönderileri
Musa Yaqub kitaplarını, Musa Yaqub sözleri ve alıntılarını, Musa Yaqub yazarlarını, Musa Yaqub yorumları ve incelemelerini 1000Kitap'ta bulabilirsiniz.
Bu qədər dolaşıq yollar içində,
Qədərsiz bu qeyli-qallar içində
Bir yolun yolçusu olmaq çətindir.
Bu qədər mütilər, qullar içində
Bir elin dərdinə qalmaq çətindir.
Bu qədər dolaşıq kələf içində
Bəlkə bir açılan kələfi görmək,
Bu qədər boz üzlü tərəf içində
Haqqın üzündəki tərəfi görmək,
Onun tərəfini tutmaq çətindir.
Bu kələf açılmaz diş-dırnaq
Daha məndən sevgi umma əzizim,
Bu dünyanın qara daşı göyərməz.
Hicranımsan, əzabımsan, ahımsan,
Daha məni bu ahımdan ayırma.
Əlçatmaz bilmişəm səni həmişə
Sənin gül zirvənə əlim çatarmı?
İsti baxışına, şirin ləhcənə
Şeirim yetişərmi, dilim çatarmı?
Bu kövrək sevdaya uyası olsam,
Səni könlüm dolu duyası olsam,
Yolunda bir ömür qoyası olsam
Buna ömrüm yetər, ilim çatarmı?
Qapında əyilib suala döndüm,
Bircə alacağım cavaba görə.
Allahım heç sənə əzab verməsin
Sən mənə verdiyin əzaba görə.
İndi nazın böyük, ürəyin aram
Eh, mən də səninçün belə qalmaram.
Bir də görərsən ki, bir ərk yerin yox.
Qalmısan neçə yad baxışın altda.
Qəfil görəcəksən çətirin də yox,
Əsirsən bir qərib yağışın altda
Günəşdə üstünə kölgə salan yox,
Tənhasan, amma heç yada salan yox.
Sönüb səndən ötrü o isti ocaq,
Onda biləcəksən mənim sevgimi.
Biləcəksən, o da çox gec olacaq.
Kəsib ümidini büzüşüb yatar
Sənin pəncərəndə mənim ürəyim.
Bəlkə gözləmirdik bu xoş görüşü.
Yaman qəribədir dünyanın işi;
Heç vaxt yollarında dayanmadığın
Heç həndəvərində dolanmadığın
Gəlib birdən sənə nə şirin olur!
Ömrünün içində ömür doğulur...
Götürüb əlinə qələm, dəftəri
Mənim taleyimi yazan olarmı?
Həsrətli illəri, dərdli illəri,
Görəsən ömrümdən pozan olarmı?
Mən külək olsaydım əsib qış, bahar
Tək onun saçını oxşardım ancaq.
Gəzib sorağında diyarbadiyar,
Elə bu həvəslə yaşardım ancaq.
Mənim gözəl qızım, qəm çəkmə hədər,
Hərənin bəxtində bir nöqsan olur.
Mən elə bilirdim bütün kişilər
Sənin atan kimi mehriban olur.
Doğrudan qəribə yaranmışıq biz,
Palıdı ildırım vurur, dözürük,
Amma bir çiçəyi dolu vuranda
Bilmirəm neçinsə dözmür qəlbimiz.
Qoruyub sevmişik zərif canları,
Gözümüz o qədər gözə baxıb ki,
İncə baxışlardan ilham almışıq.
Gör zaman nə yerə gəlib çıxıb ki,
Belə gözəlləri oda salmışıq.
Ölsəm də, qoynunda qoy ölüm ki mən
Çürüyüm, bir ovuc torpağın artsın!
Nə o ocaq közərəsi, sönəsi,
Nə o günlər bir də geri dönəsi.
Qəm eləmə, könlümün bir dənəsi.
Bu dünyanın qara daşı göyərməz...
Ot göyərdib o cığırım, o izim,
Tufanlanıb çalxalanmaz dənizim
Daha məndən sevgi umma, əzizim.
Bu dünyanın qara daşı göyərməz.
Payız durnam, uçub getdin,
Bir də dönüb gələrsənmi?
Sən gələndə mən olmasam
Ruhum ilə gülərsənmi?