II Dünya müharibəsində Adolf Hitlerin əmri ilə almanların yəhudilərə qarşı etdiyi soyqırımdan bəhs edən əsərdə 2 azyaşlı uşağın başına gələn hadisələri oxuyuruq. Düşünün ki, biz sadəcə oxuyuruq, ancaq insanlar bir zamanlar bunları canlı yaşayırdılar..
____
Uşaqların dünyası biz böyüklərdən çox fərqlidir, onlar siyasət nədir bilməzlər, düşmənçilik etməz, kin tutmaz və intiqam almağa çalışmazlar. Sadəcə 1 məqsədləri olar, özlərinə dost tapıb çoxlu oyunlar oynamaq... Bruno da cəmi 9 yaşında 1 uşaq idi, müharibə başlayanda atası almanlarda ordunun komandiri olduğundan Berlindəki gözəl villalarını tərk edib, Auşvitz'ə gəlirlər. Auşvitz Polşada yəhudilərin toplandığı düşərgənin adıdır. 1 müddət sonra sakitlikdən, tənhalıqdan sıxılan Bruno ailəsindən gizlin evdən çıxaraq kəşfiyyat aparır və Şmuel'lə rastlaşır...
____
Elə bütün hadisələr də bundan sonra baş verir. Dram xarakterli 1 əsər idi, filmi də var və filmini illər öncə izləmişdim, ancaq onu qeyd edim ki, kitabla film arasında elə də bir fərq yoxdur, hətta, deyə bilərəm ki, filmdə hadisələr daha açıq göstərilmişdir. Həmçinin, sonluq kitabda tam anlaşılmasa da, filmdə tam aydın verilmişdir. Hər ikisini şiddətlə tövsiyə edirəm