Nâle kılsam hey bu ne feryâddur dirler bana
Sen lebi şîrîn içün Ferhâd’dur dirler bana
Âhum ile seyl-i eşküm gönline kılmaz eser Anun-içün kâfiri bünyâddur dirler bana
Niçe yirden boynuma zencîr-i zülfi var-iken Halk-ı ‘âlem bilmeden âzâddur dirler bana
Sanma kim cevr ü cefâdan iy sanem yüz döndürem
Çün ezelden cevrüne mu‘tâddur dirler bana
Ger lisân-ı gaybdan gelse Muhibbî’den gazel Rûh-ı Hâfız’dan bir istimdâddur dirler bana