Ağ bayraqlar sözleri ve alıntılarını, Ağ bayraqlar kitap alıntılarını, Ağ bayraqlar en etkileyici cümleleri ve paragragları 1000Kitap'ta bulabilirsiniz.
-İlk dəfədir ki, oğlunun haqlı olduğuna bu qədər inanan ana görürəm!
-Mən oğluma yox özümə inanıram.
-Əgər belədirsə,yaxşı.
-Bəli,belədir, çünki mən onu qatil böyütməmişəm!
- Bəs sizin oğlanlarınız hanı, möhtərəm Nuh!? Hanı Sam, Ham və Yafəz?
- Sən elə mənim oğlumsan, Zaza!
- Bəs vəhşi heyvanlar hanı?
- Biz özümüz vəhşi heyvanıq.
- Bəs quşlar?
- Biz elə həm quşuq, həm sürünənlər...
Əcəb tamaşadır, yəhudi, ukraynalı, erməni mübahisə edirlər ki, özlərinin gürcü mənşəli olduqlarını sübut eləsinlər! İndi gəl ayırd elə görüm, onların hansı haqlıdır?
Deyəsən, əgər məsələyə ayıq sürətdə yanaşılsa, məntiqi mühakimələr belə bir labüd nəticəyə gətirib çıxardır ki, axırda təbii tənəzzül nəticəsində ya bizim nəslimiz kəsiləcək və biz yer üzündən yox olacağıq, ya da Allahın özü bizi məhv edib, ilk insanı yaratdığı həmin gilə çevirəcəkdir.
- Deməli, Nununu sevmirsən?
- Sevirəm! Özü də necə! Ancaq Nununu yox. Mənim sevgilimin adı yoxdur! Nunu, Mananu, Ketino, Jozefinu, Tamara - mən onların hamısını sevirəm, başa düşürsən? Mən qadın sevirəm, başa düşürsən? Qadın və gözəllik!
Sən ey parlaq, hərarətli, cansızlara can verən, sönməz Günəş! Uzaqlardan bizim yanımıza, dünyanın o başından fantastik sürətlə şığıyıb həbsxana kamerasının paslı barmaqlığından keçərək, buraya, yəni doğrudanmı yalnız beşcə dəqiqəliyə mənim yastığımda qısılıb yatmaq, mənim soyuq vücudumu qızdırmaq, üzümə yüngülcə toxunmaq, sonra da qəlbimi özüylə götürüb aparmaq, düşkün və halsız vücudumu taxtın üstündə qoyub getmək üçün gəlmişdi? Ya, bəlkə, buzlu uçuruma yuvarlanan ovçu Dalinin (qədim gürcü əsatirində ov ilahəsi) qızıl tellərindən yapışdığı kimi, mənim ağlım da özü onlardan yapışıb?
Bütün dünyanın, bütün kainatımızın ta qədimdən bəri sənin qızıl tellərindən tutaraq fırlandığı halda bir yazıq bəndəni saxlamaq səninçün nə çətin şeydir ki?
Qal, mənimlə ol, Günəş! Ya da bundan sonra yerli-dibli görünmə gözümə, Çünki mənimçün şəfəqlərinin mənə hərarət, ümid və sevinc bəxş etmədən barmaqlarımın arasından sürüşüb çıxdığını süzülüb səpələndiyini görməkdan də dəhşətli əzab yoxdur!..
Mənə rəhm et, Günəş! Mənim giley-güzarımı bağışla! Sən mənim yeganə təsəllimsən, mən hər səhər sənin gəlişini gözləyirəm ki, ardınca gedim. Çünki məni buradan keşikçinin, nəzarətçinin, rəisin və hətta kamera qonşularının gözündən xəlvət çıxartmağa təkcə sən qadirsən!..
Çıxart məni buradan, Günəş!
Allah bəşər övladını məhv edə bilməz... Çünki Allahı insan kəşf eləyib və Allah o vaxtdan başlayaraq Allah olub, o vaxtdan başlayaraq o, bəşər övladının şüurunda yaşayır. Bəşəriyyət olmasa, Allah da olmaz. Allah özü-özünün məhvinə qol qoymaz.