Salamlar hamıya.
Evin tək oğlu olmağından, valideynlərinin yaşlı olmağından şikayətçi olan Firon çox həssasdır. Hər şeyi özünə dərd edir. Həssas olduğu qədərdə insanlara yovuşmazdı. Mövcudluq sancısı çəkir.
Dostunun vəfat edən anası, avtomobil qəzasında həyatını itirən bacılar üçün hədsiz üzülən Firon üçün yaşamaq çətindir. Etdiyi hərəkətlər ilə həyatını daha da çətinləşdirmişdir. Dəhşətli kabuslar görəcək, öz uşaqlığı ilə danışacaq vəziyyətə gəlib çatmışdır. Peşmandır.
Biz Fironun həyatını onun dəftərindən oxuyuruq. Mətnlər parça - parçadır. Süjet xəttinin olmaması açığı mənə problem yaratdı. Çünki adət etmədiyim üslub, dəsti-xətti idi. Anti - qəhrəman olmasına baxmayaraq Fironun çox oxucu üçün unudulmaz obraza çevriləcəyinə inanıram.
