Heyvanıstan
George OrwellÖne Çıkan Heyvanıstan Gönderileri
Öne Çıkan Heyvanıstan kitaplarını, öne çıkan Heyvanıstan sözleri ve alıntılarını, öne çıkan Heyvanıstan yazarlarını, öne çıkan Heyvanıstan yorumları ve incelemelerini 1000Kitap'ta bulabilirsiniz.
..heç bir heyvan azad deyil.
..tək-tənha qaldığım gecələrdə fikirləşmək üçün çox vaxtım olub.
Bəşəriyyətin avtoportreti..
Bu kitabı oxuyarkən özünüzü bir teatrda imiş kimi fərz edin. Ya səhnəcikləri izləyəcəksiniz, ya da pərdə arxasını, orada olub bitənləri. Biri sizin gördükləriniz və biri də görmək istəyəcəklərinizdir. 
George Orwell sanki öncədən anlayıb ki, çox az insana pərdə arxası maraqlı gələcək və adam bunu nəzərə alaraq, demək olar ki, səhnədə məhz pərdə arxasını nümayiş etdirib..Və siz fərqində olmadan pərdənin arxasındakıları səhnədə izləyirsiniz.
Kitabda hər heyvan özündə xüsusi bir özəllik əks etdirir. Kimi həyatı vecinə almamağı, onu gözardı etməyi(Benjamin), kimi indiki bəzi idarəçiləri, öz mənafeyi uğrunda xalqın haqqına girənləri(Napoleon), kimi də saf niyətlərindən sui-istifadə edilən, alçaldılanları(Bokser) və ən əsası da həqiqətləri güzgü kimi əks etdirdiyi üçün çilik-çilik edilənləri, xain küləyin üfürüb söndürdüyü, qaranlıq otaqdakı yanan sonuncu şamı ifadə edən Snoubol..Və bütün olanları görə bilməyib, başçılarının gözündən həyata baxan digər heyvanlar.
Bu heyvanlar da, əslində, özlərində, real həyatda yaşamış insanların bəzi özəlliklərini birləşdirir. Mənim sezə bildiyim qədərilə, Napoleon(donuz) 
Josef Stalin, Qoca Mayor 
Vladimir İlyiç Lenin idi. Tanıdığım insanlardan, sadəcə bunları seçə bildim. Amma bu mənim üçün o qədər də mühüm nüans deyil. Siyasəti ədəbiyyata qatmayacağam.
Kimi pisləyirsənsə, sonda ona da çevrilirsən. Kitabın sonunda üzümə şillə kimi yayıldı bu. George Orwell necə bir əsər yaratmısan sən belə? Həyatın təsvirini kitabında vermisən sanki. Bu bəşəriyyətin ən gözəl avtoportretlərindən biri idi..
Möhtəşəm!
Bütün heyvanlar bərabərdirlər. Lakin bəzi heyvanlar başqalarından daha çox bərabərdirlər.
...susmağa daha çox üstünlük verirdi.
Deyəsən, ikiayaqlı heyvanları unudublar.
İki ayağı üstündə gəzən hər bir canlı düşmənimizdir. Dörd ayağı üstə gəzən, yaxud uçan hər canlı dostumuzdur.
İnsan yeganə məxluqdur ki, heç nə istehsal etmədən hər şeyə ağalıq edir. O, süd vermir, yumurtlamır; kotana qoşulmaq üçün çox zəif, dovşanı qovub tutmaq üçün çox astagəldir. Amma bununla belə bütün heyvanların üzərində hökmrandır.
..zəhmətimizin bütün bəhrəsini insan oğurlayır.
...intellekt sarıdan axsayırdı.
Ən yaxşı insan ölü insandır!
İnsan yeganə məxluqdur ki, heç nə istehsal etmədən hər şeyə sahib çıxır.
Sayfa 22 - Qanun Nəşriyyatı, 2011Kitabı okudu
İnsanı öz şəxsi maraqlarından başqa heç bir canlının mənafeyi düşündürmür.
George Orwel
İnsana, onun bütün istəklərinə qarşı düşmənçiliyin hər birinizin borcu olduğunu heç vaxt unutmayın! İki ayağı üstə gəzən hər bir canlı düşmənimizdir! Dörd ayağı üstə gəzən, yaxud uçan hər canlı dostumuzdur! Bir şeyi də yadınızda saxlayın. İnsana qarşı mübarizə apararkən biz heç vəchlə özümüzü ona bənzətməyə çalışmamalıyıq.
Hətta mübarizə qələbə ilə başa çatandan sonra da İnsanın
həyat tərzini qəbul etməyin. Evdə yaşamaq, yorğan-döşəkdə yatmaq, paltar geyinmək, spirtli içki içmək, siqaret çəkmək, pulgirliyə qurşanmaq və ticarətlə məşgul olmaq heç
vaxt, heç bir heyvanın ağlına da gəlməməlidir. İnsanın vərdişlərinin hamısının mayasında pisliklər dayanır.
Mayor