Sınmış Burunun Nəğməsi
Arne Svingen
Yorumlar ve İncelemeler
Yəqin ki, çox oxucu "Şirin portağal ağacım" kitabı ilə tanışdır. Tanış olmayanlar isə mütləq oxusun! Çünki Zeze sizin həyatınıza elə daxil olacaq ki, "niyə bu balaca oğlanı gec tanımısınız" deyə məyus olacaqsınız. Bu dəfəki qəhrəmanımız isə Zeze deyil, Bartdır))
Onun kimi balaca, fikirləri ilə oxucunu heyran qoyan, yoxsul həyatı ilə kədərləndirən və zarafatları, həyata baxışı ilə oxucuda təbəssüm yaradacaq Bart adlı dostumuz var :)
Oxuduqca onunla birgə musiqilərinə qonaq olacaq, yol yoldaşlığı edəcək və hətta birgə səhnədə ifa etməyə çalışacaqsınız. Bəlkə siz də qorxularınıza qalib gəlməyi bacardınız? Çünki Bart da bunun üçün çalışır. Öz balaca, atasız, ana diqqətindən kənarda qalmış dünyasına musiqini qonaq etməklə, həyatına rəng qatır. Anasının təkidi ilə özünü müdafiə üçün boks dərslərinə gedir. Amma bir insanın kim olacağını özündən başqa heç kim nə anlaya, nə də müəyyən edə bilməz.
Bart məni bir anlıq məktəb illərimə aparıb kövrəltməyi də bacardı.
Kitab davam etdikcə isə Bart həqiqətən "səhnədə oxumağı bacaracaqmı?" deyə sual yaranır.
Mən Bartı çox sevdim. Mənim üçün 3-4 belə kitab var ki, bitirdikdən sonra "kaş bu obraz yanımda olsa, onunla danışsam", demişəm. Bart da həmin obrazlardan oldu. Bir anlıq, Bartın əlindən tutub "birgə səhnəyə çıxa bilərik" deməyi belə çox istədim.
Səni çox sevdim, güclü səsi ilə böyük zirvələrə çatmağa çalışan balaca oğlan.
Bartı və Zezeni tanımaq üçün isə hər iki kitabı da oxuyun! 
Arne Svingen 
Sınmış Burunun Nəğməsi
