Əsərləri
Aşıq ƏləsgərƏsərləri Gönderileri
Əsərləri kitaplarını, Əsərləri sözleri ve alıntılarını, Əsərləri yazarlarını, Əsərləri yorumları ve incelemelerini 1000Kitap'ta bulabilirsiniz.Bir qönçə bitəydim dostun bağında,
Dilimlə deyəydim yara: dər məni!
Tutmuşam dəstində gözəl nizamı,
Firdovsi, Füzuli, gözəl Nizamı.
Təqdiri-qüdrətin gözəl nizamı,
Mənə dərdi verib, yara dərməni.
Halal qaşın bənzətmərəm dər yaya,
Yazıq Ələsgər, dastan elə, dər yaya.
İstəsə, kül eylər, qatar dəryaya,
Yaratsa, təzədən yaradar məni.
Xudam səni nə xoş gündə yaradıb,
Meylim axır sənə sarı, görəndə.
Həsrətindən yüz yara var sinəmdə,
İnsaf elə, birin sarı, görəndə.
İsmin üç hərifdi, ay çeşmi-xumar,
Biri "mim"di, biri "nun"du, biri "sin".
Həsrətindən yüz min gizlin dərdim var,
Kimsəm yoxdu, açam deyəm birisin.
Siyah zülfün nə tökübsən yana sən?!
Ya hurisən, ya pərisən, ya nəsən?
Demədim ki, eşq oduna yanasan,
Mən dedim ki, dur qıraqdan bir isin.
Ay nazənin, dərdin mənim canımı
Az qalıb incəldə, ay üzə, üzə.
Alıbsan əlimdən din-imanımı,
Müştaq eyləyibsən ay üzə, üzə.
Yar, məskənim astanamı, dərdimi?
Kamil bağban gülü bağdan dərdimi?
A bimürvət, dərdin mənim dərdimi
Artırıb, yetirib a yüzə, yüzə.
Gövhərdən bahalı üzündə xalı...
Əl uzaq, qəlbim yaxın,
Bələdəm hər bir halına;
Görcəyim valeh oldum
Həbəşi xəttü xalına.
Gəl, ey mehri-məhəbbətim,
Üzün məndən niyə döndü?
Tellərin.
Ay qız, sənin nə vədəndi,
Kəsilib qısa tellərin?
Kəlağayı əlvan, qiyqacı,
Üstündən basa tellərin.
Yanaqların güldü, solmaz,
Oxladın, yaram sağalmaz.
Qaşın cəllad, gözün almaz,
Bağrımı kəsə tellərin.
Bağban ağlar bar ucundan,
Xəstə ölər nar ucundan.
Ələsgərtək yar ucundan
Batıbdı yasa tellərin.
Yazıq Ələsgərə çoxdu zavalın,
Aparır ağlımı günəş camalın.
Nə göyçək görünür üzündə xalın,
Gülgəz zənəxdanın xala yaraşır.
Oğrun-oğrun daldalardan baxırsan,
Alırsan cəsəddən canı, sevdiyim!
Müjganların sinəm üstə çaxırsan!
Tökürsən bədəndən qanı, sevgilim!
Dolandım dünyanı, gəzdim baş-başa,
Sənin kimi gözəl görmədim haşa,
Qərq oldum dəryaya, düşdüm ataşa,
Od alıb əndamım yanı, sevdiyim!
Haçan doymaq olar belə bir yardan?
Buxağı büllurdan, sinəsi qardan.
Kəsmə iltifatın, salma nəzərdən,
Ələsgər tək binəvanı, sevdiyim!
Dərdim çoxdu, dindirməyin həzarat!
Məni bir alagöz ceyran öldürür.
Qılıncsız, tüfəngsiz alır canımı,
Kimsə bilmir, pünhan-pünhan öldürür.
Heç bilmirəm neyləmişəm, neylərəm,
Xəncər alıb, qara bağrım teylərəm,
Bir canım var, yara qurban eylərəm,
El desin: "Aşiq də qurban öldürür".
Ələsgərəm, bir gözələ mehmanam,
Ölməyincə çətin dönəm, usanam,
Əzrayılı qanlı tutmasın anam,
Məni bir kirpiyi peykan öldürür.
İstər dara çəkdir, istər qul eylə,
Qoymuşam əmrinə qol, incimərəm.
Həsrətindən Məcnun oldum səhrada,
Alırsan canımı al, incimərəm.
Ay ariflər, gəlin sizə söyləyim,
Kəsilib üstümdən yar nişanası.
Dost uzaq olmaqla könül yad olmaz,
Ölüncə qəlbimdə var nişanası...