Hər qədər ki sənsizəm gün uzadır hər anı
Sənlə olsam bir günü neyçün bəs an eylər saat.
Sayfa 74 - Parlaq imzalarKitabı okudu
Dinlə məni sevgilim
Dayan, sözümü kəsmə,
Səbirli ol, tələsmə,
Haray, səs ver səsimə,
Dinlə məni, sevgilim.
Safdır ürəyim, içim,
Günahım yox and içim,
Qalmadı taqət, gücüm,
Dinlə məni, sevgilim.
Sözlərimdə yox yalan,
Mənəm oduna yanan,
Bağrım olacaq talan,
Dinlə məni, sevgilim.
Düz danışan mənəm, mən,
Eşqə sadiq mənəm, mən,
Söylə mənə sən əhsən,
Dinlə məni, sevgilim
© Vüqar Əhməd
Gecələr
Ağ duman tək yuxuna kaş ki, gələydim gecələr,
Qəmli ruhun haraları gəzdi, biləydim gecələr.
Hər səhər sübh nəsimiylə doğulmaqçün kaş,
Baş qoyub sinənə sakitcə öləydim gecələr.
Bölünüb min yerə, hər zərrəmi bir ulduz edib,
Başın üstündə səmaya düzüləydim gecələr.
Ağlayıb gündüzü biçarə buludtək sənsiz,
Baxaraq göz yaşıma sənlə, güləydim gecələr.
Sən qaranlıqda ayı seyr elədikcə, mən də,
Ruhuna ay işığıyla süzüləydim gecələr.
Baş daşım üstə dodaq izlərini öpmək üçün,
Allahımdan da xəbərsiz diriləydim gecələr.
Fəhminin qəlbində son arzu qalmış yalnız,
Ağ duman tək yuxuna kaş ki, gələydim gecələr.
Sayfa 56 - Parlaq imzalarKitabı okudu
Əgər kədərli, həzin nəğmətək düşürsə yada
Sənin xəyalın idi bəstəkarı gəncliyimin.
Sənə yetişmək üçün ki özün fəda elədi
Gərək qapında qazılsın məzarı gəncliyimin.
Sayfa 68 - Parlaq imzalarKitabı okudu
Məni Axtar
Məni axtar darıxanda,
Səni qəm-qüssə sıxanda,
Yorulub sərsəm həyatdan
Gözünün yaşı axanda.
Məni axtarma sevincǝk,
Qayğısız şənlik edəndə,
Gündə bir barda, kafedə
Sayfa 36 - Parlaq imzalarKitabı okudu
Dincəl bir az, ey hər gün özündən qaçan oğlan
Ahıyla içindən çölünə yol açan oğlan.
Düşsən yağışa, tez dəyəcəksən yerə, vallah
Kağız qanad ilə göy üzündə uçan oğlan.
Yanma bu qədər boş yerə, səndən günəş olmaz
Ey şölələnib hər tərəfə nur saçan oğlan.
Çox başqasının qanın içən görmüşəm, ancaq
Heç görmədim öz qanını sən tək içən oğlan.
Vaxtın çatıb artıq, daha bir gözdə məkan tut
Dünya kimi gözdən-gözə daim köçən oğlan.
Sən ki, ölüsən, dəfn eyləyiblər öz içində
Yorma özün, ey qəbri üçün yer seçən oğlan.
Kim Fəhmini gördü dedi - Əhsən hələ sağmış
Dünyada cəhənnəm alovundan keçən oğlan.
Sayfa 59 - Parlaq imzalarKitabı okudu
Bu nə dünyadı, ilanlar uçuşur göylərdə,
Qara torpaqdasa qartal doğulanlar sürünür.
Sayfa 64 - Parlaq imzalarKitabı okudu
O qızın...
Saçları bir zülfi-pərişan idi,
Cümlə cahan zülfünə qurban idi
O qızın
İndi səliqəylə daranmış başını qar tutur,
Saçlarını sanki qara rəng uduzur, ağ udur.
Gözləri bir nərgizi-fǝttan idi,
Kirpiyi sanki iti peykan idi
Sayfa 30 - Parlaq imzalarKitabı okudu
Gül çöhrəni seyr etmək üçün növbə çəkirlər,
Ay gecə, günəş isə gündüzləri səni gözlər.
Sayfa 71 - Parlaq imzalarKitabı okudu
