Gulnara Khaled
@worman
Azərbaycan
Azərbaycan
11 okur puanı
Şubat 2021 tarihinde katıldı
Reklam
Hər günə bir kitabFelsefe
Salamlar Yeni kitab rəyimi paylaşacam sizinlə.. Zərdüştün həyatına və düşüncələrinə həsr olunmuş bir epopeyadır. Kitabın dili qəliz olsa da, kitabdakı bəzi fikirləri bəyəndim Onu da deyim ki, əgər hələ fəlsəfi kitab oxumamısınızsa bu kitabla başlamağı tövsiyyə etmirəm )) Kitabdan sevdiyim sitatları sizlərlə bölüşürəm..
- O adamları sevirəm ki, dünyaya kor gəlib, kor getməsinlər. Həyatdan bir şey anlasınlar. Öləndə də arxayın olsunlar ki, ruhlarını az da olsa kamilləşdirə biliblər.
- Dağlarda ən kəsə yol zirvədən zirvəyə gedən yoldur; amma bunun üçün uzun ayaqların olmalıdır.
- Çox özünə umac ova bilməyənləri dostları üçün əriştə kəsən gördüm.
- Düzdür, biz həyatı sevirik; həyata deyil, sevgiyə alışdığımız üçün.
- Yer üzü artıq adamlarla doludur; ifrat çoxluqdur həyatı korlayan.
- O adamları sevirəm ki, gələcək qarşısında məsuliyyət, keçmiş qarşısında etiram, indinin önünüdə fədakarlıq duysun.
Beləcə bir kitabın da sonuna gəldim. Kitabı oxuyub bitirsəm də, təəsüratı uzun müddət mənimlə qalacaq Xoş mütailələr..
Müharibə mövzusu nə qədər ağır olsa da, dünya ədəbiyyatında ən çox işlənmiş mövzulardan biridir. İnsan həyatının dəyəri bir güllənin qiymətinə düşəndən sonra bütün digər dəyərlərin məhv olması labüddür, çünki bütün dəyərlərin başında ilk öncə İNSAN dayanır.
Markus Zusak «Kitab oğrusu»nu ölümün dilindən səsləndirir. Hamının qəbul etdiyi yeganə gerçəklik – ölüm insanlara mənəvi dəyərləri aşılamağa çalışır.
«Mən onları qucağıma alıb daşıdığım zaman göylər qırmızı rəngə boyanmışdı»… Bütün əsər boyu biz ölümün rənglər vasitəsilə fikrini izah etməyə çalışdığının şahidi oluruq. Cansıxıcı mənzərələr müharibə ovqatını əsərin sonuna qədər bizim içimizdə saxlayır.
Bütün bu dağıdıcı qüvvənin qarşısında cılız bir alman qızcığazı – Lizel dayanıb. O, kitab oğrusudur. İnsan maskası taxmış vəhşilər insan həyatını oğurlayan zaman bu qızcığaz onların evindən kitab oğurlayır. Müəllifin nə söyləmək istədiyini anlamaq o qədər də çətin deyil. Qlobal cinayətin qarşısını almaq üçün «söz»ə ehtiyac var. Söz olan yerdə əməl də olacaqdır. Bəlkə də, çox gec olacaq, ancaq mütləq olacaqdır.
Qaranlıq əzab tunelinin sonunda hər zaman bir işıq var. Müəllif bu işığa çatmaq üçün cəhalət tonqalından oğurlanmış kitabı uşağın qucağına sıxır. Nəticədə Lizel, cılız bədənli kitab oğrusu əsərin ortasından qırmızı xətt kimi keçərək ölümün oğrusuna çevrilir.
Reklam