Səma Məmmədsalahova
@Sama_99
#176495947
#152510567
#139554356
#135097459
#134838194
#135442407
#193272141
#193276492
347 okur puanı
Nisan 2021 tarihinde katıldı
Sabahkı imtahana hazırlaşmaq əvəzinə göz yaşları içində, janrı komediya olan bir filmi - Aamir Khanın baş rolda olduğu “PK” filmini ikinci dəfə izlədim.
Düşünürəm ki, “PK” hər insanın həyatında ən azı bir dəfə izləməli olduğu filmlərdəndir. Çünki film boyu sadə görünən, amma çox dərin məna daşıyan suallar vasitəsilə insanı öz həyatı, inancları və qəbul etdiyi həqiqətlər haqqında düşünməyə vadar edir.
PK-ın məntiqli, lakin cəmiyyət üçün qəribə görünən suallarını eşidən insanlar ona hind dilində "Pee kay hai kya?" - yəni "Sərxoşsan?", "İçmisən?" - deyə müraciət edirlər. Hamının ona eyni şəkildə səsləndiyini görən yadplanetli isə bunun öz adı olduğunu zənn edir və özünü insanlara "PK" kimi təqdim etməyə başlayır.
Filmin rejissoru bu qısaltma vasitəsilə incə bir ironiya qurur: cəmiyyətin kor-koranə qəbul etdiyi inancları və stereotipləri sorğulayan insan çox vaxt başqalarının gözündə ya "ağlı başında olmayan", ya da "sərxoş" biri kimi görünür.
(Tövsiyədir. İzləsəniz, fikirlərinizi gözləyəcəyəm.)
Səma Məmmədsalahova
Bəli, məncə də, maraqlı və çox düşündürücü filmdir.
Reklam
Ah, Azərbaycan! Biz sənin həqqini tələb etmək deyil, yalnız adını söyləmək üçün nə qədər məruzələrə rast gəldik, nə qədər töhmətlərə məruz qaldıq!
Səma Məmmədsalahova
142 il = Azərbaycan + azadlıq + demokratiya + ideya.
Elə öz sözləri ilə deyim: "Budur sənə söyləyəcəyim son söz!.. Sənə bizlərdən minlərlə rəhmət!.. Sənə bizlərdə minlərlə hörmət!.."
Cinayət və Cəza mütaliə sevgimi alovlandıran, məni daimi oxumağa sövq edən kitabdır. İlk dəfə 15 yaşım olanda kitabxanadan götürüb oxumuşdum və o yaş üçün ifadə edə bilməyəcəyim qədər çox sevmişdim. Bu on il ərzində saysız kitablar oxudum, “şah əsər” sayılan neçə-neçə klassikalarla tanış oldum, amma heç biri mənim üçün Cinayət və Cəza olmadı desəm, yalan olmaz.
Oxuduğum ilk kitab deyildi, amma ədəbiyyat və kitab sevgimi oyadan ilk kitab idi. On il sonra qəşəng cümlələrinin tez-tez qarşıma çıxması səbəbilə yenidən, bu dəfə türkcə oxumaq istədim. Azərbaycan dilindəki nəşrinin keyfiyyətini xatırlamıram; o vaxt nəşriyyat və tərcümə mövzusunda məlumatsız idim. Amma bu nəşr - 
Suç ve Ceza - o qədər gözəl idi ki... Sanki kitab məhz bu dildə, bu cümlələrlə yazılıbmış kimi.
Mənim sevimli Rodyam... Yaxşı ki, yenidən oxudum. 10 il keçsə də, bu kitab hələ də mənim üçün “ən” imiş.🩶
Vəfa Hafiz isimli okura yanıt verildi
Səma Məmmədsalahova
🥰
Əsərin məzmunu ilə bağlı məlumat ehtiva edə bilər.Edebiyat
“Anna Karenina” dünya ədəbiyyatının ən məşhur romanlarından biridir. Tolstoy bu əsərində təkcə bir qadının faciəsini deyil, həm də bütün Rus cəmiyyətinin güzgüsünü yaratmışdır.
Tolstoyun ən böyük gücü insanın daxili aləmini açmaqdır. O obrazların düşüncələrini, tərəddüdlərini və vicdan əzablarını elə təbii və təfərrüatlı təsvir edir ki, oxucu hər bir hissi özü yaşayır. Əsərin dili sadə olsa da, dərin mənalar ehtiva edir; Tolstoyun üslubu təbiiliyi, psixoloji incəliyi və möhtəşəm təsvirləri ilə seçilir.
Bədii cəhətdən yüksək qiymətləndirdiyim və sevərək oxuduğum bu əsərdə bir çox obraz yer alsa da, heç biri mənim üçün tam mənada sevimli obraz olmadı. Müsbət obraz kimi Levin diqqətimi cəlb etsə də, onu özümə yaxın hiss edə bilmədim. Kitaba başlamazdan əvvəl Anna Karenina obrazını sevəcəyimi düşünürdüm, lakin oxuduqca təsəvvürümdə formalaşan Anna ilə Tolstoyun yaratdığı Anna arasında fərq gördüm. Buna səbəb Annanın ailəsinə qarşı etdikləri və cəmiyyətdə tutduğu mövqe deyildi. Sadəcə, onun uğrunda hər şeyini fəda etdiyi Vronski ilə münasibəti “ülvi sevgi” anlayışına uyğun gəlmirdi. Vronski ilə birlikdə yaşamağa başladığı andan etibarən mən Annada sevən bir qadın yox, daha çox yelbeyin və ziddiyyətli bir obraz gördüm. Onun qısqanclığı və bəzən özünü və qarşısındakını məcbur edən davranışları Vronskini sıxdığı kimi məni də sıxırdı.
Bütün bunlara baxmayaraq romanın sonlarına yaxın Annaya qarşı həm təəssüf, həm də mərhəmət hissi duydum. Onun içindəki boşluq, tənha və anlaşılmamış qadın olması, sevgi ilə azadlıq arasında sıxılması oxucunu kədərləndirir. Anna öz xoşbəxtliyini axtararkən həm cəmiyyətin, həm də öz ehtiraslarının əsiri olur. Tolstoy faciəvi sonla göstərir ki, insanın içindəki sevgi və vicdan mübarizəsi bəzən onu xilas etməyə deyil, məhv olmağa aparır.
VüsaIe Quluzadeh isimli okura yanıt verildi
Səma Məmmədsalahova
youtu.be/i5mlbiGqw4s?si=...
Bir çox istedadlı insanlar (şagirdlər) var ki, bəzən bu istedadlar heç, bəzən isə vaxtında dəyərləndirilmir. Əgər şanslı olmuşuqsa, həyatımızda bizə istiqamət verən, hətta gələcəyimizin daha gözəl şəkildə olmağı üçün çalışan müəllimlərə rast gəlmişik. Ziya Qədiroğlu (Əşrəfov) da belə şanslı insanlardandır, məncə.
IX sinifdə Vüsal Şirinov adlı bir müəllimin onlara dərs keçməsi ilə istedadlı bir şagirdinin olduğunu öyrənən müəllim bu istedadı dəyərləndirir. Bunun nəticəsində isə müəllimin dəstəyi ilə bu kitab nəşr olunur.
Bu kitab gənc şairin ilk kitabıdır. Kitabı oxuyanda bəzi şeirlərin ilk qələm təcrübəsi olduğu, bəzi şeirlərin digər şairlərin təsiri ilə yazıldığı hiss olunsa da, bir çox şeirlər isə gənc şairin hələ ədəbiyyata çox töhfə verəcəyinin müjdəçisidir.
Kitabdakı şeirlərin bəzilərini bölüşmüşəm, bəzilərini də bölüşəcəyəm. Şagirdlərinin yoluna işıq olan müəllimlərin timsalında Vüsal müəllimə təşəkkür edirəm, Ziya Qədiroğluya isə uğurlar arzu edirəm.
Vüsal Şirinov isimli okura yanıt verildi
Səma Məmmədsalahova
Şagirdlərinin yoluna işıq olan müəllimləri görmək, onları və şagirdlərini də dəstəkləmək xoşdur, müəllim. Hər ikinizə bütün addımlarınızda uğurlar arzu edirəm.