Bir qisim insanlar, həyatımızın müəyyən periodunu bizimlə bərabər keçirərlər. Onları tanıyırıq, sevirik hətta bəzilərimizin həyatında zaman keçdikcə darıxmağa və bağlanmağa da başladığı insanlar da olub. Amma heç də hərkəsin həyatımızın sonuna kimi bizimlə bərabər addımlamayacağını hər birimiz həyatımızın bir anında anlamışıq. Sonra isə, yəni zaman keçdikcə ümumi rəsmə baxdıqda, qalıcı olmasını istədiyimiz insanların necə də axına qarışıb, hiss olunmadan həyatımızdan ayrıldığınının fərqinə varmışıq. Zaman bizləri bəlkə də, yenə bir araya gətirəcək, bəlkə, əksinə, illər sonra bir-birimizi tanımayacağıq. Amma çalışmalıyıq ki, həmin o dəyər verdiyimiz insanlar bu və ya digər səbəblərdən həyatımızdan süzülüb getməsin..