Evvel ü âhır vücudundur sebeb her devlete
El meded ey destgîr-i evvelîn vü âhırîn
Haşre tahsis itme sultanım şefâ'at-kârını
Alem-i dünyâda da ol destgîr-i âcizin
Üsküplü Asiye Hatun'a binlerce rahmet ve selam ola
Gelsin ol hamrı içenler bir azim meyhâneyim
Hiç sözüm anlar bulunmaz ne acep divâneyim
Pir elinden câm-ı vahdet içmişim ben zâhidâ
Tâ ebed uyumazam ben ne aceb mestâneyim
Şimdi kesret âleminde berbâd ettim kendimi
Bahr-i vahdet âleminde misli yok dürdâneyim
Genc-i la yefnâyı mahfuz eylemiştir Hakk bana
Bilmedi aslımı onlar sandılar virâneyim
Ayn-ı aynım içre gördüm şem-i ruh-u yârimin
Ol sebebden Seyyidâ daim döner pervâneyim