Stefan Zweig mənim ən sevdiyim yazarlardan biridir. Nə zaman onun kitablarını əlimə alsam, başqa bir dünyaya addım atıram. Əsərləri kiçik həcmli olmasına baxmayaraq, böyük mənalar daşıyır. Olduqca təsirli, sıradan insanların fərqli hekayələrini bizə çox təsiredici şəkildə çatdırmağı bacarır. Bəlkə də Avropanın qanlı, acımasız və qarışıq dönəminin canlı şahidi olduğu üçün bu qədər təsirli yazıb...
Kitabda 3 hekayə var:
1. Lyon'da düğün - ümumi olaraq oxuyarkən insanda gözəl təəssürat yaradan, əlverişsiz vəziyyətdə belə xoşbəxt ola, birilərini xoşbəxt edə biləcəyəmizə olan inancımızı artıran bir sevgi hekayəsidir. Bir daha anladım ki, sevgi ilə qarışıq bir təslimiyyət bizi hər zaman ölüm qarşısında güclü edəcək.
2. İki yalnız insan - cəmiyyət tərəfindən təcrid olunan iki yalnız insanın qarşılaşması və bir-birilərinə dərdlərini danışmasından və fərqində olmasan bir-birilərinin yalnızlığına son verməsindsn bəhs edir. Açığı sonunu bəyənmədim. Sadəcə cəmiyyətin fərqli görünən insanlara qarşı necə qəddar olduğunu və insanların fiziki qüsurlarının onların həyatına necə təsir etdiyini bir daha gördüm.
3. Wondrak - Yenə görünüşünə görə insanlar tərəfindən təcrid olunmuş bir qadının həyatından bəhs edir. Analıq duyğusunun bir qadına nələr etdirə biləcəyini oxudum. Bu hekayədə sadəcə müharibəyə olan nifrətim təzələndi...