Əsər bir qətllə başlayıb bu qətlin araşdırılması ilə davam etsə də bu müddət ərzində elmi məlumatlar əldə etmək üçün əla bir seçimdir. Xristianlıq dini ilə bağlı bəzi gerçəklər bu kitabda öz əksini tapmışdır.Baş rol tarixçi olduğundan hadisələr haqda daha geniş məlumat əldə edirik. Həmçinin kriptoqrafiya sahəsində təcrübəsi olan bir qadınla əlbir olub işləri araşdırması kriptoqrafiya ilə bağlı bəzi maraqlı məlumatları əldə etməyə kömək edir. Qəlib ardında böyük bir sirr gizlənmiş və bu sirr dünya tarixini dəyişmək üçün çox böyük sirr olur. Kilsə və onların düşmənləri arasında bu həqiqət uğrunda mübarizə gedir. Bu sirr kilsənin nüfuzuna xələl gətirə bilər. Hər kəsin axtardığı sirr uğrunda mübarizədə çox gözlənilməz hadisələr olur və sirr açılsa da hər kəsin gözlədiyindən fərqli bir sirr olur. Bir sözlə xristianlığın bəzi gerçəklərini öyrənmək üçün əla kitabdır. Müəllif hadisələrin gedişini çox gözəl təsvir edir və oxuduqca adam daha çox oxumaq istəyir.
Çox qısa bir hekayə..bu qədər az səhifənin içərisinə geniş, dərin və mənalı duyğuları sığdırmaq... bunu edə bilmək üçün Çingiz Aytmatov olmaq lazımdı.
Əsərdə hadisələr ikinci dünya müharibəsində baş verir. Müəllifin bir çox əsərində ikinci dünya müharibəsinə göndərmələr edilir. Müəllim Duyşən ikinci dünya müharibəsindən yenicə dönmüş bir əsgərdir. Əslində müəllim olmaq üçün yetərli biliyə də sahib deyil, hansı ki oxuma yazmanı çox bəsit şəkildə əsgərlikdə öyrənmişdir, amma buna baxmayaraq əlində nə varsa onları uşaqlara ötürmək istəyir. Kənd cammatı bu günə kimi nə bir məktəb, nə də bir müəllim görməmişdir, onlar üçün uşaqlarının təhsil alması mənasız görünür. Duyşən kənd əhalisinin qəzəbli baxışlarına və yardıma açıq olmamasına rəğmən tövlə halındakı bir yeri məktəbə çevirir. Bir- bir bütün evlərə gedib oxumaq istəyən uşaqların ailələrini razı salır. Müəllimin bu mübarizəsində onunla çiyin-çiyinə addımlayan bir şəxs daha var Altınay- gənc, öyrənməyə həvəsli, aydın zəkalı bir qız. Altınay çox oxumaq istəsə də təəssüf ki, əhatəsi öncə uşaqları ağır işlərdə işlədib bir müddət sonrada yüksək bir məbləğ qarşılığı evləndirən, qız uşaqlarının sadəcə övlad dünyaya gətirməli olduğunu zənn edən cahillərdən ibarətdir. Əsərdəki müəllim- şagird münasibətləri o qədər gözəl işlənib ki, o ülvi hislərə heç bir xələl gəlməmişdir. Müəllimin dövrün tələblərinə qarşı çıxması, təhqir edilməsinə, alçaldılmasına, döyülməsinə rəğmən şagirdlərindən əl çəkməməsi, onlara verdiyi sözü yerinə yetirmək üçün hər cür çətinliyə sinə gəlməsi, Altınayı təhsilini davam etdirməsi üçün şəhərə göndərməsi bir müəllimin şagirdlərinə görə yanması yox olması, amma bu yox oluşun minlərlə gəncə işıq olması demək idi.
Bütün müəllimlərin bu kitabı oxumağını istərdim.
Bu yaz yanınızdan ayırmak istemeyeceğiniz kitapları sizin için bir araya getirdik.
💬 Siz olsanız bu listeden hangisiyle başlardınız?
Türk klasiklərindən...İnceleme
Görəsən elə biri varmı ki, qarşısındakının əxlaqsız olduğunu zənn edib onunla izdivaca razı olsun?
İlk olaraq kitab barədə fikirlərimi yazmaq istəyirəm.
Kitabı oxuyub sona çatdırdığıma dəydi. Xoş və qəlboxşayan bir hekayəyə şahidlik etdim. Sadəcə ilk başlar qeyri-mövzular çox sıxırdı məni. Tərcümə məsələsinə gəldik də isə bir daha əmin pldum ki, Teas Press nəşriyyatı bu işdə peşəkarlarla işləyir. Çünki kitabı dilimizdə oxumağıma baxmayaraq tərcüməçi qətiyyən türk yazıçısının, Gürpınarın üslübuna xələl gətirməyib.
Qəhrəmanımız İrfan Qalib Türk insanlarının arasında cahillik hökm sürdüyü dövrdə öz düşüncəsi, müasirliyi ilə hər zaman seçilən biri olur. Amma eşqdən yana heç bir zaman bəxti gətirmir. Ta ki, Fəriha adında bir qızın üzünü görmədən məktublarına aşiq olana qədər...
Fəriha isə Türk qadınlarının məhdudlaşdırıldığı, əşya kimi görüldüyü dövrdə sərbəstliyi ilə hər zaman seçilən qızlardan olur.
Bu iki gəncin izdivacına dünyanı alt-üst edəcəyi barədə xəbərlər yayılan quyruqlu ulduz "Halley" vəsilə olur. Amma Fərihanın ilk məktubunu alan İrfanı o andan nə dünyanın dağılması nə də quyruqlu ulduz maraqlandırır. Sadəcə məşuqəsi ilə qovuşmaq və özünü ona sevdirmək istəyir.
Hətta bu hisslərinə Fəriha barədə başqa insanların anlatdığı gerçəklər belə maneə ola bilmir. 
Quyruqlu Ulduz Altında İzdivac 
Hüseyin Rahmi Gürpınar
Ümid edirəm, bu kitabı son dövrlər eşq hekayələri oxumağıma vəsilə olan insan da bəyənər.
Quyruqlu Ulduz Altında İzdivac Hüseyin Rahmi Gürpınar
Ümid edirəm, bu kitabı son dövrlər eşq hekayələri oxumağıma vəsilə olan insan da bəyənər.
Yazacağım xülasədə kitab haqqında spoyler verən hissələr ola bilər.
Həyatımda oxuduğum mükəmməl kitabların ötəsinə keçən bir kitab idi. Həqiqətən, sonuna qədər oxunulmağı, müzakirə və təhlil edilməyi haqq edir. Düşünürəm ki, bu kitab müəyyən yaş dövründən sonra gənclərə mütləq oxunması gərəkdirilən kitablardan biri olmalıdır.
Əslində təəssüratlarım çox qarışıq və yerini itirmiş kimidir. Kitabda Nitsşe ilə Breuer arasında olan dialoqlar, görüşmələr sadəcə bir uydurmadan ibarət imiş. Amma bu kitabın real hissələrinin həqiqətinə xələl gətirmir.
Sigmund Freyd, Nitsşe və həkim Breuer’in eyni kitabda yer almaları, həqiqətən, kitabın mükəmməlliyini bir o qədər də artırır.
Həkim Breuerin Nitsşeni sağaltmaq üçün etdiyi plan isə sadəcə nəfəs kəsici idi. Ona kömək etmək məqsədi ilə əslində özünü Nitsşenin ona kömək etməsinə, onu həyatındakı qarışıq düşüncələrin xaotikliyindən çıxarmasına şərait yaradır. Bu hissənin əsas məqsədi Breuer’in öz düşüncələrindən qurtulması ilə Nitsşeyə də bu imkanı yaratmaq idi. Əslində həyatın onları qarşılaşdırma məqsədi sadəcə bir-birlərinə olan köməkdən ibarət idi.
Hər ikisinin köməyə ehtiyacları üçün umduqları səbəb isə hər birinin fərqli qadınlarda eşq sandıqları duyğuya ilişib qalmaları və onu həyatlarının və günlük yaşamlarının bir hissəsinə çevirmələrindən ibarət idi.
Qəribə gələn isə tarixə keçmiş və psixologiyaya eyni ilə psixoterapiyaya töhfələr vermiş məşhur insanların sadəcə bir qadına görə həyatlarını bu qədər bunalıma salması və onu çirkinləşdirməsi ağıl almaz idi.
Nitsşenin fəlsəfi düşüncələri ilə özünüzü sorğulayacağınıza, bir anlıq kitabı buraxıb dərin düşüncələrə dalacağınıza əminəm. Həyatımda oxumaqla özümə yaxşılıq etdiyim kitablardan biri idi.
Hər bir Azərbaycanlı bu əsəri mütaliə edib düşünərək təhlil etməlidi oxuduqdan sonra uzun müddət təsirindən çıxmaq mümkün olmur.Nəinki Azərbaycanlı hər bir insan bu əsəri oxumalı və dərk etməlidi.Sevil obrazı ədəbiyyatımızda yeni bir obraz idi eyni sonradan İlyas Əfəndiyevin "Səriyyə" obrazı kimi idi hər ikisidə ədəbiyyata yeni bir nəfəs gətirdi mənim fikrimcə.Və əsərə gəldikdə əsərdə Sevil həyat yoldaşı Balaşın əsiri olmuş haldaydı və əsərdə xüsusilə çadra məsələsi çox dərin bir şəkildə işlənib.Burda əslində müəllif çadranı həm Balaşın Sevilə həmdə patriarx cəmiyyətlərin qadına qarşı yaratdığı məhdudiyyətin simvolik əşyası kimi göstərib.Və buna görə Sevil çadrasıyla birlikdə onu bu əsarət həyatına məhkum edən qaydlarıda yıxıb keçdi.Eyni zamanda əsərdə Sosializmin tərənnümüdə çox aydın duyulur lakin bu əsərə xələl gətirmir çox gözəl dərin bir əsərdi hər kəs oxumalıdı
Anna Karenina 
Lev Tolstoy
Hər kəsə salam,
Nədənsə, bir çoxlarından fərqli olaraq həcmi böyük olan kitabları (hətta 1,000 səhifədən artıq) oxumağı daha çox sevirəm, kifayət qədər səbrli olmağımdan əlavə yazıçıların bu tip irihəcmli əsərlərdə çatdırmağa çalışdıqları fikirlər məni daha çox cəlb edir.
Bu əsər klassik ədəbiyyat nümunələri içərisində ən öncüllərindən, bəzi yazar və tənqidçilərə görə 1-ci hesab olunur.
Əsər necə ərsəyə gəlib? Haqqındakı yazılara istinad etsək, Tolstoy fərqli bir əsər üzərində işləyirmiş. Daha sonra qonşusunun öz həyat yoldaşının başqa xanımla eşq yaşadığını və hətta evlənməyi belə düşündüyü bir anda intihar etməsi Tolstoyu çox düşündürmüş.
Nəticədə əlindəki işi yarım buraxaraq bu mövzuda əsər yazmağa başlayır. Dostuna “5 gündə bitərəcəm” dediyi bu əsəri 4 ilə tamamlayır.
Bu əsərlə bağlı başqa bir maraqlı fakt: Tolstoy bu kitabı yazanda xidmətçisinə “yeməyi qapının arxasına qoy get, təcili bir şey olmadığı təqdirdə məni narahat etməyin” deyə tapşırıq verir.
Bir müddət sonra xidmətçi yazıçıdan xəbər çıxmamasından şübhələnir, ancaq otağa girməyə cürət etmir.
Yaxınlarına xəbər edir, yaxınları otağa daxil olduqda Tolstoyu yerdə uzanmış halda görür və eşitdikləri söz: “Anna öldü” olur.
Əslində Tolstoy bu əsəri sıxılaraq yazıbmış, hətta əsəri yarım saxlamağı belə düşünürmüş. Ancaq sonda bitirir və ortaya belə bir əsər ərsəyə gətirir.
Kitab “bütün xoşbəxt ailələr bir-birinə bənzəyir, hər xoşbəxt olmayan olmayan ailənin bədbəxtliyi özünə görədir” şəklində başlayır.
Əslində məhz bu cümlə bütün əsəri xarakterizə edir deyə bilərik; Xoşbəxt ailə modeli olaraq Levin obrazı, digər nümunədə isə Anna obrazı.
Hər nə qədər eşq romanı kimi qəbul edilsə də, sırf eşq romanı kimi görmək bir az mübahisəli sayıla bilər. 3 fərqli süjet xəttində: Anna, Levin,