Mürtəza Mütəhhəri böyük İslam alim və filosoflarındandır. Kitabda onun teizm mövzusunda keçirdiyi seminarlarının məcmusu toplanıb. Bu kitaba görə, Allahın varlığını 3 yolla sübut etmək olar:
1. Fitrət və ya psixoloji yol;
2. Elmi və ya yarımfəlsəfi yol (öz növbəsində 3 istiqamətə bölünür: yaradılış, nizam və hidayət dəlili);
3. Fəlsəfi yol.
Hər bir yol haqında kifayət qədər danışılır. Müəllifin necə də savadlı və araşdırmağı sevən biri olduğunu müşahidə edirik.
"Teizm seminarları"nın davamında Mütəhhəri teizm və təkamül, teizm və şər məsələsi kimi bir sıra iradlara da cavab verir. Ən maraqlısı isə budur ki, Mütəhhəri təkamülü Allahın varlığına etiraz bilmir. Yəni, onun fikrincə, Allaha etiqad edən birinin təkamülə inanıb-inanmamasının mövzuya dəxli yoxdur. Həmin fikirlər məni çox düşündürdü(indiyədək təkamül nəzəriyyəsinin puçluğunu çox hörmət etdiyim şəxslərin dilindən eşitmişəm və çox maraqla oxuduğum şəxslərin qələmindən mütaliə etmişəm). Bu mövzunu araşdırmaq qərarına gəldim.
Ümumiyyətlə, belə mövzuları sevən şəxslərə kitabı oxumağı şiddətlə tövsiyə edirəm(qalan şəxslərçün kitabın bəzi hissələri bir az ağır ola bilər). Xoş mütaliələr :)
