...sevməyə başlayanda qorxmağa da başlayırsan, - Mastı dedi. - Birini çox istəyirsən, lakin o inanmır. Sən hər gün onun olduğu meşəyə gedirsən. Onunla az rastlaşırsan, bu səni çox üzür. Onunla oynamaq istəyirsən, o isə səninlə elə də oynamaq istəmir. İçində qəribə bir küskünlük yaranır. Daha o meşəyə getmirsən, keçmirsən o yasəmən ağaclarının, cökələrin yanından, dostluğunu unudursan, onda sənin dostun da, əslində, səni sevdiyini, çox istədiyini başa düşür. Onda hər şey gec olur.
Son dövrlər Azərbaycan ədəbiyyatında yazılan ən yaxşı əsərlərdən biridir "Tuflinlər". Əslində uşaqlar üçün nəzərdə tutulsa da, nəinki uşaqların, həm də böyüklərin maraqla oxuyacağı əsərlərdəndir. İstər personajları, istər üslubu, dili, verdiyi informasiya baxımından bütünlüklə zövq alaraq oxuduğum əsərlərdən biri oldu. Həm düşündürücü,
Azel
Deməəək
Kitabın mövzusu:
Kitabın baş qəhrəmanı bir parabüzəndir və əsər onun həyatındakı hadisələrdən çox o hadisələr qarşısındakı hiss və duyğularına yönəlib.Hər səhifədə bir xatirənin qapısını aralayan yazar daha çox Azelin düşüncələri,sevgisi,xəyalları,arzu və istəkləri üzərinə bu xatirələrə can verir.
Azel babasının fərqli düşüncələrnin təsiri ilə böyüyüb digər fərdlərindən seçilən bir parabüzəndir.Onun bir xəyalı var: Ucsuz-bucaqsız dənizi keçmək və oradakı dünyanı kəşf etmək...
"Heç kimin heç vaxt eləmədiyi şeyləri istəyəndə,bacaranda özün də var olduğunu hiss edirsən və özünə inanırsan."~Azel
Bununla yanaşı Azel dostu və sevdiyi qız olan Gülcəyə açılmağa çalışır.
Öz düşüncələrim:
Kitab mənə görə "oxusan da olar,oxumasan da" kategoriyasına daxildir.Kitab ruhumda iz qoyacaq qədər dərin deyildi,lakin dərin olmasa belə çatdırmaq istədiyi əldətutulan mövzusu var idi.Həddindən artıq axıcı və sadə dili var, bir göz qırpımında kitabı bitirə bilərsiniz.
Bəzi mənə mənasız gələn boş söz yığını kimi gördüyüm hissələr də vardır ki,məncə,onlar olmasa da olarmış.
Digər iradım kitabın həddindən artıq boş səhifələrinin olması idi.Bildiyin israf ediblər.Çox boş səhifələr və aralar buraxılmışdı.Estetik cəhətdən ,bəlkə də, gözəl ola bilər,ancaq mən bunu kitabı uzun eləmək üçün olan bir cəhd olaraq düşündüm.Bir də bu qədər boş səhifəni görəndə "Mən bu səhifələrə pul vermişəm?!" deyə düşünüb daha çox pis olurdum.
"Ayı bu gün də Mastıya düzəltdiyi dava-dərmandan verdi.
Mastı dərmanları içib qurtardı.
Ayı Mastıya dedi:
- Bunlar öz yerində, amma ən yaxşı dərman gündə üç dəfə xəyal qurmaqdır. Özü də xəyallar parlaq olmalıdır. Eşidirsən? Gündə üç dəfə:
Tezdən biri.
Günorta biri.
Axşam biri."
Elə "Qış nağılı" seriyasının 2-ci kitabı olan "Ayı nə üçün qış yuxusuna getmədi?" də parlaq xəyallarla dolu bir kitabdır.
Kitabı oxuyarkən həm təsirləndiyim, həm düşündüyüm, həm də ürəkdən güldüyüm o qədər yer var idi ki.
Uşaqlar/yeniyetmələr üçün olmasına baxmayaraq hər kəsin oxuyub sevəcəyi bir kitabdır.
Seriyanın ilk kitabı "Dovşan nə üçün yeni il şənliyinə qatılmadı" kitabıdır.
Üçüncü kitab "Qorxulu meşəyə kim getdi?" üzərində isə iş gedir. Ümid edirəm tezliklə hazır olar və oxucularını çox gözlətməz.