Adıgözəl Məmmədov oxucuların çox ciddi marağına səbəb olmuş: "Avtoritar rejimlər və psixoloji portretlər" , "Kreml rəhbərlərinin psixoloji portretləri" , "Chas "iks" perevorota: M.D. Bagirova i L.P. Berii" , "Osmanlının çöküşünə Rusiyadan baxış" , Səudilər sülaləsi, Geosiyasət" , "Baş tutmamış çevriliş" kitablarının müəllifidir. Müəllif tarixin bəlli dövrlərində dünyada baş verən proseslərə təsir imkanlarına malik olan siyasi liderlərin, o cümlədən də Osmanlı sultanlarının, Səudilər sülaləsinin, Adolf Hitlerin, İosif Stalinin, Yuri Andropovun, Mir Cəfər Bağırovun və Mümmər Qəddafinin psixi-ruhi vəziyyətini təyin etməyə çalışmışdır. A.Məmmədovun əsərləri ABŞ-ın, Avropanın, Avstraliyanın və İsrailin çoxsaylı universitetlərinin kataloqlarına salınaraq əlavə tədris vəsaiti kimi də istifadə olunur. Müəllifin əsərləri, həmçinin ABŞ-ın dövlət rəhbərlərinin istifadə etdiyi konqress kitabxanasının kataloquna daxil edilmişdir.
