Seçilmiş Eserleri
Mikayıl Müşfiq
Yorumlar ve İncelemeler
Nə vaxtdır incələmə yazmırdım. Darıxdım kitablar haqqındakı hislərimi sətirlərə düzmək üçün.
Bu günkü incələməni yazmaq mənim üçün çox çətin olacaq. Repressiya qurbanlarından olan, xalqımın nakam şairi, ölümündən sonra bəraət qazanan Mikayıl Müşfiqdən oxuduğum ilk kitab oldu bu kitab. Əlbəttə dillərə dastan olan, musiqisi bəstələnmiş şeirləri dəfələrlə göz yaddaşımdan keçmişdir. Ancaq qələmiylə ilk dəfə bu qədər yaxından tanış oluram.
Xalqın rifahına, zülmə qarşı dirçəlişinə, zalım idarəçiliyə isyan var şeirlərində şairin. Qadına dəyər, əməkçilərin zəhmətinə hörmət var. Mənim şairdən incikliyim, fırıldaqçı mollaları hədəf alarkən din baxımından sərt tənqid etməsi oldu. Məsələn; Azərbaycan ədəbiyyatında xalqın imanından suiistifadə edən dırnaq arası mollaları tənqid edən yazıçılarımız heç də az olmamışdır.
Celil Memmedguluzade
Mirze Elekber Sabir və sairə...
Ancaq onların hədəfi din deyil, saxta mollalar olmuş, qələm mübarizəsini onlara qarşı yönəltmişdilər. Müşfiqdə isə dinə fərqli baxış olduğu hissi yarandı məndə. Əlbəttə bunu ədəbiyyatçılarımızdan soraqlaşıb öyrənməyi də düşünürəm. Bəlkə də mən yanlış anlamışam.
Kitabda romanlar, ibrətamiz hekayələr nəzm formasında qələmə alınmışdır. Sonlarda isə uşaqlar üçün yazılmış şeirlər var. Xalqın dilində əzbərə çevrilmiş "Şəngülüm, Şüngülüm, Məngülüm" nağılını da ilk dəfə fərqli formada oxumuş oldum.
Kitabın pdfsi üçün 
Vəfa Hafiz ə təşəkkür edirəm.
Kitablarda görüşmək üzrə xoş günlər diləyirəm..
Yaxın bir rəfiqəmin Vəfa Hafiz Müşviq sevdasına olan heyranlığım nəticəsində başladım kitaba. Əslində şeir oxumağı sevən biri deyiləm ,amma indidən sonra çox güman ki, sevəcəm. Müşviqin həyat eşqi,nikbinliyi çox xoşuma gəldi. Əksərən mənə elə gəlir ki,şairlər yazıçılar bədbin ruhlu olurlar və onların əsərlərinin belə gözəl olması bu bədbinlikdən irəli gəlir. Müşviqi oxuyandan sonra bu fikrimdən daşındım. Həyat eşqi ilə alışıb yanan şair bunu şeirlərində də hiss etdirir. Çoox gözəl şeirləri var. Oxumağa dəyər.
Xoş mütaliələr...
