O balaca, zəif, zərif qızcığaz. Zəif və zərif olmaqla yanaşı, xaraktercə möhkəm iradəli, özünəgüvəni yetəri qədər olan, kiçik yaşlarından sevgisizliklə əhatə olunsa belə, qəlbi həm Tanrısına, həm də Onun yaratdıqlarına sevgi ilə dolu olan o qız. Ceyn təbiətcə qapalı bir qızdı. Hisslərini, duyğularını tam ifadə etməsə də, bəzi sözlərini, kəlmələrini içində dustaq edib saxlasa da, diqqətli oxucu onun susqunluğundan belə çox şeyi duyur, hiss edir. Ceyn Eyr mübarizənin adıdır, hər cür çətin sınağa səbr edib Tanrıya sığınmanın simvoludur. Çətinlikləri mətinliklə keçməyə çalışmaq Ceynin timsalında təzahür edir. Əsərin sonunda o xoşbəxt olduqda çox sevindim. Nəhayət, o layiq olduğuna yetə bildi...