Bir Milyon Dollarım Olsaydı
QaraqanYorumlar ve İncelemeler
~Pul hər zaman xoşbəxtlik gətirirmi?
Qaraqanın qələmindən oxuduğum ilk kitabdır. Hər kəsə məlum olduğu kimi Qaraqan kitabları həm çox bəyənilir,həm də məşhurdur. Digər sosial şəbəkələrdə də kitabla bağlı fərqli paylaşımların şahidi olmuşam. Buna əsaslanaraq çoxdandır oxumaq fikrindəydim. Nəhayət oxuyub bitirdim. Düzü nə yalan deyim bu qədər bəyənilən kitabı mən bəyənə bilmədim. Sıradan kitab oldu mənim üçün. Adından məlum olduğu kimi mövzu bir milyon dolların ətrafında fırlanır. Oxuyarkən bəzən sıxıldım,çünki eyni hadisələr təkrarlandı. Sadə, sıradan əsər təəssüratı yaratdı məndə . Hadisə,olay yoxdu. Oxuyarkən indi nə olacaq, sonra nə olacaq deyə düşünmürsən. Eyni hadisələr təkrarlanır. Fikrimcə sıradan,düz yazılıb. Amma son olaraq əsərin gəldiyi nəticəni bəyəndim. Pulun hər zaman xoşbəxtlik gətirmədiyi,az pulla da xoşbəxtliyin mümkün olduğu gözəl vurğulanıb. Bu qədər,kitabla qalın 
Qaraqan 
Bir Milyon Dollarım Olsaydı
Kitab necə idi?
Kitab maraqlı və axıcıdır. Kitabda bir milyon dollar tapmış Kərəmin psixologiyasının dərindən təsvirinə yer verilmişdir. Bəzən qorxu bizi uçuruma apara bilər. Bəzən çox düşünmək və paronika insanı dəli edə bilər. Kərəmin əksinə Tağıyev heç nə düşünmədən, qorxmadan bir milyonu ələ keçirir və istədiyi kimi xərcləyir. Bir milyon bir ailəni məhv edir. Kərəmin həyat yoldaşı Firuzə kərəmi sevsə də Tağıyevin toruna düşür və həyat yoldaşına xəyanət edir. Həm də öz evlərində,öz doğma çarpayılarında, ərinin gözləri qarşısında. Həyat yoldaşı Kərəm isə bütün olanları yataq otaqlarındakı şkafdan görür. Əslində Kərəmin düşündüyü kimi bir milyonu nə mafiya, nə də başqa pis qüvvələr ora qoymuşdu. Onu varlı və oğlu xərçəng xəstəliyindən qurtulmuş bir ata bir insanı bataqlıqdan qurtarmaq üçü ora qoymuşdu. Qaraqan Bir Milyon Dollarım Olsaydı
Azərbaycan Yazarları
Yazarın qələmindən oxuduğum ilk kitabım oldu.
Kitabı oxuyarkən Kərəmin bir milyon dollar tapması düzü desəm məni sevindirmişdi, özümü Kərəmin yerinə qoyub ‘görəsən mən tapsaydım necə olardı sonum? ’ dedim oxumağa davam etdim.Kərəmin sonunun belə olacağını düşünməmişdim,çüni biz eşitmişik və beynimiz öyrəşib ki, “pul insanları xoşbəxt edir” , “pul xoşbəxtliyə gedən yolda önəmli faktordur” daha çox spoiler verməyim.Amma olduqca çox maraqlı kitab idi.Oxumaqdan yorulmadım, düşündürücü və insani keyfiyyətləri əhatə edən mövzusu var idi zənnimcə.Kitabın sonu məncə hamını biraz da olsa fikrə salacaq və düşündürəcək.Ümumiyyətlə, son olaraq fikirlərim: kitabı bəyəndim və düşünürəm bu Qaraqandan oxuduğum ilk amma son olmayan kitab olacaq. Qaraqan təşəkkür edirəm.
