Nüsrət Kəsəmənli
-Elə baxma qadan alım,
Hər baxanda könlüm olur dilim-dilim.
+Necə baxım?
-Elə bax ki,mən də sənə baxa bilim.
+Bu mənim öz baxışımdır.
Hardan alım təzə baxış?
-Düzü məndə can qalmamış
+Onda baxma!
-Necə? Məgər bu mümkünmü?
Gülüm,məndən nə tez bezdin?
Əgər sənə baxmasaydım,
Sən də belə görünməzdin.
Nüsrət Kəsəmənli " Mən səni unuda bilmirəm axı ".
NÜSRƏT KƏSƏMƏNLİ - MƏN SƏNİ UNUDA BİLMİRƏM AXI...
Mən səni unuda bilmirəm, axı,
Unutsam nələri unudam gərək.
Göylərə baxmışıq aylı gecədə,
Unutsam göyləri unudam gərək!
Dənizi unudum, ya dalğaları?
Xatirən yadımdan çıxaydı barı,
Payızda xəzanı, qışdasa qarı,
Baharda gülləri unudam gərək!
De, necə unudum mən səni, necə?
Sevgi durna deyil payızda köçə,
Yuxuma gəlirsən mənim hər gecə,
Ayları, illəri unudam gərək!
Sənin xəyalındır həsrətlə baxan,
Adındır hər saat qarşıma çıxan,
Qarışıb şəklinə gözümdən axan,
Yağışı, selləri unudam gərək!
Sinəmdə peşiman ürəyim qaldı,
Uçdun əllərimdə lələyin qaldı,
Nələri itirib, bax nəyim qaldı,
Nələri, nələri unudam gərək!
Məndən başqa
Üzü bəri baxan dağlar,
Nəyin qaldı çəndən başqa?
Bir sevgi var ürəyimdə
Bilən yoxdu məndən başqa.
Məhəbbətin yurd yerində,
Bir həsrət var lap dərində,
Bu sevginin əllərində
Nə qaldı ki, qəmdən başqa?
Bir demişəm, yenə deyim,
El sözünü elə deyim,
Qoy dərdimi sənə deyim
Kimim var ki, səndən başqa?
Yana-yana söndü odum,
Dildən dilə düşdü adım,
Yox, sən məni tanımadın,
Zilim də var, bəmdən başqa.
Bir uğurlu çağ görmədim,
Dağım kimi dağ görmədim,
Qara gördüm, ağ görmədim
Saçımdakı dəndən başqa.
~ Nüsrət Kəsəmənli
Bizim evdə biri vardı, biri yox..
"Şeirsiz olmaz!" deyib oxuduğum hər kitab siyahısına bir şeir kitabı əlavə etməyi adət halına gətirmişəm artıq. Bir xeyli Türk ədəbiyyatından oxuduqdan sonra yenidən Azərbaycan ədəbiyyatına qayıtmağı qərara aldım.
Nüsret Kesemenli hələ uşaq yaşlarımdan qələminə heyran qaldığım şairlərdəndir. Şeirlərinin əksəriyyətinə musiqilər bəstələnmiş və dilimizdə zümzümə halındadır. Bu da onun qələminin axıcı bir dili olduğuna dəlalət edir.
Kitabı oxuyarkən alıntılarımın bəzisinin yorumuna musiqi linklərini də əlavə etmişəm. Keyiflə dinləyin:)
İstər sevgidən, istər Vətənə olan məhəbbətindən, istərsə də ailəsi və övladlarından bəhs edən şeirlərində şairin qələminin ustalığına şahid oluruq.
Böyük zövqlə oxudum və şeirsevərlərə də oxumağı məsləhət bilirəm..
Nüsrət Kəsəmənli haqqında çox şey yazmaq olar ancaq, onları internetdən də oxumaq olar. Mən sadəcə kitab haqqında fikirlərimi yazmaq istədim.
"Oğru olmaq istəyirəm" şeirində şair qayğısız, kədərsiz, ədalətli bir dünyaya işarə edir.
"Biri vardı, Biri yox" şeirində;
'Atalıydı analıydı uşaqlar,
Bizim evdə biri vardı, biri yox"
deyərkən, ürəyim bir cızz etdi. Bu şeiri hər dinləyəndə, oxuyanda kövrəlirəm.
Daha çox yazaraq vaxtınızı almaq istəmirəm.
Oxuyun, feyz alın...
Nələri nələri unudam gərək...
Mən səni unuda bilmirəm, axı
Unutsam nələri unudam gərək
Göylərə baxmışıq aylı gecədə
Unutsam göyləri unudam gərək! Dənizi unudum, ya dalğaları?
Xatirən yadımdan çıxaydı barı
Payızda xəzanı, qışdasa qarı
Baharda gülləri unudam gərək!
-Nüsrət Kəsəmənli-
Mən səni unuda bilmirəm, axı,
Unutsam, nələri unudam gərək,
Göylərə baxmışıq aylı gecədə,
Unutsam göyləri unudam gərək.
Nüsrət Kəsəmənli ❤️
Mən səni unuda bilmirəm axı...
Mən səni unuda bilmirəm, axı
Unutsam nələri unudam gərək
Göylərə baxmışıq aylı gecədə
Unutsam göyləri unudam gərək!
Dənizi unudum, ya dalğaları?
Xatirən yadımdan çıxaydı barı
Payızda xəzanı, qışdasa qarı
Baharda gülləri unudam gərək!
De, necə unudum mən səni, necə?
Sevgi durna deyil payızda köçə
Yuxuma gəlirsən mənim hər gecə
Ayları, illəri unudam gərək!
Sənin xəyalındır həsrətlə baxan
Adındır hər saat qarşıma çıxan
Qarışıb şəklinə gözümdən axan
Yağışı, selləri unudam gərək!
Sinəmdə peşiman ürəyim qaldı
Uçdun əllərimdə lələyin qaldı
Nələri itirib, bax nəyim qaldı
Nələri, nələri unudam gərək!
~Nüsrət Kəsəmənli.
Olan olub, keçən keçib bəlkə də,
İndi daha kövrəlməyin yeri yox.
Ömrüm boyu belə gəlib mənimki
Əvvəlindən biri vardı, biri yox.
Uzaqdaydı mən istəyən ocaqlar,
Urəyimdən gəlib keçdi sazaqlar.
Atalıydı, analıydı uşaqlar,
Bizim evdə biri vardı, biri yox...
//Nüsrət Kəsəmənli
Nüsrət Kəsəmənli - DÜNYA KÖHNƏ DÜNYADI
youtu.be/3YtuwkDKSFM
Dünya köhnə dünyadı,
Sevgiləri təzədi.
Görüşə gedəni var,
Görüşdən gələni var.
Kövrəlib ağlayanı,
Olan olub, keçən keçib bəlkə də,
İndi daha kövrəlməyin yeri yox.
Ömrüm boyu belə gəlib mənimki
Əvvəlindən biri vardı, biri yox.
Uzaqdaydı mən istəyən ocaqlar,
Ürəyimdən gəlib keçdi sazaqlar.
Atalıydı, analıydı uşaqlar,
Bizim evdə biri vardı, biri yox.
Qəlbim yandı ilk sevgimdən, eşqimdən,
Dara düşdüm, əl ummadım heç kimdən
Məclislərdə can deyib can eşidən
Dostlarımdan biri vardı, biri yox.
Vaxt gələcək bu günü görəcəksən,
Çox suala gözünü döyəcəksən.
Vaxt gələcək sən özün deyəcəksən,
Deyəcəksən: "biri vardı, biri yox!"
Nüsrət Kəsəmənli
Hamı dost görünür,doğma görünür.
Bu qədər doğmanın yadam içində.
Gündüz əldə çıraq,adam gəzirəm,
Mən adam tapmıram adam içində.
Nusrət Kəsəmənli
Məndə günah arama,
Özün küsdürdün məni.
Ürəyimə toxunan ,
Sözün küsdürdü məni .
Soruşma hicran nədən?
Qəm qəlbimi didəndən .
Hamıya gülümsəyən
Gözün küsdürdü məni.
Hərdən süzülüb axan ,
Məni yalnız buraxan,
Dönüb yadlara baxan
Gözün küsdürdü məni
Hər kəsə gülüm deyən,
Ocağım, külüm deyən,
Hamıya gülümsəyən
Gözün küsdürdü məni.
Nüsrət Kəsəmənli