Aynurə
@thisismyworld_
2025-də oxuduğum ilk kitabın bu olmasına çox sevindim. Roman 2 fərqli insanın həyatından bəhs edir. Uşaqlıqda bu şəxslərin yolları kəsişsə də, həyatın keşməkeşi onları ayrı salır. Cəfər özünün, Səidə isə başqalarının onun üçün verdiyi qərarların əzabını uzun illər çəkməli olur. Kitabı ümumilikdə çox sevdim, yalnız Cəfərin sonda qızı haqqında verdiyi hökmün nə dərəcədə doğru olub olmaması sual altında qaldı mənim üçün. Buna baxmayaraq, o, ədaləti bərqərar etdiyi üçün sevdiyim obraz kimi yaddaşımda yerini aldı. Oxuyacaq olanlara xoş mütaliələr
Yaşadığımız həyatın ən böyük ədalətsizliyi odur ki, çox şey həyat səhnəsində deyil, səhnə arxasında həll olunur.
Qəribə xisləti var insanın. Hər bir çətinliyi, bəlanı, dərdi müvəqqəti, keçici hesab edir. "Bugündən-sabaha bitər, mən də qurtularam" söyləyir. Amma günlər keçir, bu "müvəqqətilər" qurtarmaq bilmir ki bilmir. Sən demə, dünyada müvəqqəti qədər daimi olan heç nə yox imiş..
Nə olsun ki zaman mütləqdir, daimidir?! Onun sənə ayrılan kəsiyi ki müvəqqətidir?