Atlaz
@Atlaz
Bir adam öz qərarını iki səbəblə izah edirsə, deməli, üçüncü, gerçək səbəbi var və onu demək istəmir.
"Saf və bəsit bir kişi, yaxud qadın olmaq ölümcüldür, hər ikisini özündə ehtiva etməlisən."
Uzun zaman oxuma listimdə idi və Virciniya Vulfdan oxuduğum ilk əsəri idi.
Oxuyarkən bəzən yarım buraxmaq istədiyim də oldu, amma yaxşı ki, davam etmişəm.
Əsərdə həyata yalnız qadınların gözündən baxılmır. Bütün olanlara görə nə kişilər, nə də qadınlar günahlandırılmır. "Qadınlara yazmaq üçün şəxsi bir otaq və pul lazımdır" fikrinə necə gəldiyini izah edir.
Bəli, günümüzdə artıq qadınlar həyatları üçün çalışmaqda daha azaddır və adını tarixə yazdıran qadınlar da çoxdur. Amma... ("bu sözü işlətmək heç yaxşı əlamət deyil") hələ də cəmiyyətin qurbanı olan, yalnız ad olsun deyə bir yaşa qədər məktəbə göndərilənlər və s. heç də az deyil.
İnsanlardan soruşsan, cəmiyyətdə qadının rolundan, onlara necə dəyər verildiyindən danışacaqlar, amma xəbərlərdə və ətrafımızda gördüklərimiz onu demir.
Yazdığım ilk cümlə kitabdan aldığım ən böyük nəticəni ifadə edir. Yəni, məncə qadınlarla kişilər bir problemi həll etmək üçün birləşəndə uğur qazanılacaq.
Beləcə, çox qəribə və mürəkkəb varlıq çıxır qarşımıza. Qadın xəyali aləmdə olduqca böyük önəm daşıyır, gerçək həyatda isə olduqca lazımsızdır. Poeziyanı sətir-sətir işğal edib, lakin tarixdə adı yoxdur. Ədəbiyyatda krallara, fatehlərə hökm edir, lakin gerçək həyatda ailəsi barmağına zorla üzük taxır, hansısa cavan oğlanın köləsinə çevrilir.
Sayfa 82 - Bunları hələ də bir çox qadın yaşasa da, artıq belə olmayan qadınların çoxaldığını bilmək məni sevindirir.·Kitabı okudu
Elmin əksinə ədəbiyyatda təxəyyül çınqıl daşı kimi yerə atılmır, ədəbiyyat hörümçək toru kimidir, yumşaq, zərif olsa da, həyatla bağlılığı güclüdür.