Bu kitabın adını çox görmüşdüm. Ona görə oxumaq istədim. Aqata Kristidən oxuduğum ilk kitab oldu və çox bəyəndim. Dedektiv kitablarında bəzən qatil yazıçıya çox tez məlum olur. Ancaq bu kitabda əksinədi. Düşünürsən bu qatil ola bilər, ancaq o olmur.
Mövzusu.
Bir gün 10 şəxsə bir nəfər tərəfindən məktublar göndərilir. Hər məktubda yazılan fərqli olur. Onları Zənci adasına dəvət edir. Hər adam elə düşünür ki, onu dəvət edən bir yaxınıdı. Dəvət olunanlar.
Emili Brent, Vera Kleytorn, doktor Armstronq, Antoni Morston, qoca hakim Uorqreyv, Filipp Lombard, general Makartur və iki qulluqçu mister və missis Rocers.
Əslində dəvət olunanların hamısının eyni bir xüsusiyyəti var. O da dəvət olunduqları yerdə ilk axşamında açıqlanacaq.
Çox maraqlı kitabdı. Kitab çox axıcıdı. Hamıya tövsiyə edirəm bu kitabı.