Həyatım boyu istər 100,istərsə daha çox kitab oxuyum mənim üçün yerinin dəyişməyəcəyinə əminəm. Daima sevimli kitabım olaraq qalacaqsan. Hər bir insan bu kitabı oxuyarkən özündən bir parça tapacağını ümid edirəm.
5.01.2023
Bu gün 3-cü dəfə idi ki,bu kitabı oxudum.Bitirərkən eynən ilk dəfə oxuduğum kimi reaksiya verdim. Necə ola bilər ki,bir kitabı 3 dəfə oxuyasan,hər dəfəsində eyni duyğuları,hisləri,təlatümləri yaşasan. Necə ola bilər ki,bir kitabı 3 dəfə oxuyasan, hər dəfəsində obrazlara daha çox bağlanasan. Həyatdan ən çox istədiklərin nədir desələr,ilk sıralarda deyəcəklərimdən biri Raif əfəndi ilə dərdləşmək olardı. Onun heç də lazımsız,dəyərsiz olmadığını demək olardı.Düzdür,qızı üçün nəsə edə bilərdi.Fəqət etmədi.
Bəzi insanlar Raif əfəndi kimi daxilində səssizcə yaşayarlar. Siz də elə deyilmisiniz? Daxilinizdə öz-özünüzə qurduğunuz şəhərlər və ölkələr yoxmu? Hər şey daxilinizdə olub bitmirmi? Siz də bəzən duyğularınızı xaricə göstərərkən qınanılacağızdan qorxmurmusunuz? Daxilinizdəki səslərin çöldəki hay-küydən daha çox çıxdığını düşündüyünüz anlar heç olubmu? Cavabınız "hə" isə onda siz də Raif əfəndisiniz...
