Sonsuz sevgilərlə,sənin Sigmundun...1000Kitap
Bəzən bir psixoloqun quru nəzəriyyələrdən ibarət olduğunu düşünürük. Amma “Sevgi məktubları”nı oxuyanda gördüm ki, Freyd təkcə insan şüurunu yox, öz ürəyini də analiz edə bilən biri imiş.Bu kitab mənə sübut etdi ki, ən sərt görünən zəka belə sevəndə kövrəlir. Məktublarda təkcə romantika yoxdur, orda həsrət var, ehtiras var, qısqanclıq var, hətta zəiflik var. Freydin cümlələrində bir tərəfdən məntiqin səsi gəlir, digər tərəfdən isə sevməkdən qorxmayan bir kişinin ürəyi danışır.
Oxuyarkən ən çox təsirləndiyim məqam onun sevgini bir ehtiyac kimi deyil, daxili bir yanğı kimi yaşaması idi. Sanki hər məktubda qarşı tərəfə yox, həm də öz daxilinə müraciət edir.Bu kitabı oxuyandan sonra düşündüm: sevgi nə qədər analiz olunsa da, yenə də sirr olaraq qalır. Bəlkə də Freyd bunu hamıdan yaxşı bilirdi.
Kitabdan ən təsirləndiyim bir cümlə:
“Sənsiz keçən hər gün, ruhumun bir parçası sanki yerində deyilmiş kimi natamamdır.”
Əgər kiməsə qarşı hissləriniz varsa və onları izah edə bilmirsinizsə, bu kitab sizə göstərəcək ki, hətta psixoanalizin atası belə sevəndə sadəcə bir insandır.Oxumağa dəyər. Çünki burada nəzəriyyə yox, ürək danışır.
Anna Karenina
Lev Tolstoy Bitirdim...İlk dəfə idi ki, mən əsas obrazın ölməsinə görə pis olmadım, xoşbəxt oldum. Yazıçı, kitabın əvvəlində Annaya nifrət edib, sonra yazığımız gələcəyini qeyd etmişdir. Lakin, mən Annanın daxilinə endikcə, daha da nifrət etdim. Məhəbbət adı ilə kitabdakı hər obrazın həyatına təsir etdi. Alekseyin Annaya və özünə olan hörməti, sevgisi və alicənablığı mənə çox təsir etdi. Boşanmamasını da anladım. Bəlkə də, Annaya belə əzab çəkdirirdi. Çox dərin obraz idi (ümumiyyətlə kitabdakı hər bir obrazın özünəməxsus dərinliyi var idi) Anna öz əksini Alekseydə gördüyü üçün, ona niftət edirdi. Bir ananın öz övladını "məhəbbət" uğrunda tərk etməsi məndə ikrah hissini oyatdı. Anna, Vronskinin də həyatını məhv etdi. O, mənə görə tanış olduğu hamının həyatına mənfi təsir edirdi. 7-ci hissəni oxuduğum zaman "Bəlkə ona yazığım gələr" düşüncəsində idim. Amma, daha da betər nifrət oyatdı. Onun Levinə qarşı olan münasibəti və bunu özünü haqlı çıxardaraq etməsi... Hətta yazıçı " Son zamanlarda gənc olan hər bir kişiyə qarşı, onları cəzb etmə düşüncəsindədi" - deyə qeyd etmişdir. Məncə ölümü ona yaraşan olmuşdur. O, öldüyü zaman belə Veronskiyə cəza vermə düşüncəsində idi. Oğlunu, qızını düşünmədən, Veronskidən acıq çıxdı ölümü ilə . Acınacaqlıdır. Veronski isə mənə görə müsbət obrazdır. Haqqlıdır demirəm lakin, o Annanı sevir, və bundan peşmandır. Veronski, onunla evlənmək istəyir. Anna isə Alekseyi sevmir amma istəyir ki, ətrafında bütün kişilər olsun, hamı onu sevsin.
Levin və Kiti obrazlarını sevdim. Bir-birlərinə olan sevgisi, hörməti xoşuma gəldi. Levin çox düşünən və düşündürən birirdir. Ümumi kitab haqqında öz instagram səhifəmdə səsli olaraq paylaşım edəcəm. Sevgilərlə...
Anna Karenina1000Kitap
Puan vermedi
Lev Tolstoy Bitirdim...İlk dəfə idi ki, mən əsas obrazın ölməsinə görə pis olmadım, xoşbəxt oldum. Yazıçı, kitabın əvvəlində Annaya nifrət edib, sonra yazığımız gələcəyini qeyd etmişdir. Lakin, mən Annanın daxilinə endikcə, daha da nifrət etdim. Məhəbbət adı ilə kitabdakı hər obrazın həyatına təsir etdi. Alekseyin Annaya və özünə olan hörməti, sevgisi və alicənablığı mənə çox təsir etdi. Boşanmamasını da anladım. Bəlkə də, Annaya belə əzab çəkdirirdi. Çox dərin obraz idi (ümumiyyətlə kitabdakı hər bir obrazın özünəməxsus dərinliyi var idi) Anna öz əksini Alekseydə gördüyü üçün, ona niftət edirdi. Bir ananın öz övladını "məhəbbət" uğrunda tərk etməsi məndə ikrah hissini oyatdı. Anna, Vronskinin də həyatını məhv etdi. O, mənə görə tanış olduğu hamının həyatına mənfi təsir edirdi. 7-ci hissəni oxuduğum zaman "Bəlkə ona yazığım gələr" düşüncəsində idim. Amma, daha da betər nifrət oyatdı. Onun Levinə qarşı olan münasibəti və bunu özünü haqlı çıxardaraq etməsi... Hətta yazıçı " Son zamanlarda gənc olan hər bir kişiyə qarşı, onları cəzb etmə düşüncəsindədi" - deyə qeyd etmişdir. Məncə ölümü ona yaraşan olmuşdur. O, öldüyü zaman belə Veronskiyə cəza vermə düşüncəsində idi. Oğlunu, qızını düşünmədən, Veronskidən acıq çıxdı ölümü ilə . Acınacaqlıdır. Veronski isə mənə görə müsbət obrazdır. Haqqlıdır demirəm lakin, o Annanı sevir, və bundan peşmandır. Veronski, onunla evlənmək istəyir. Anna isə Alekseyi sevmir amma istəyir ki, ətrafında bütün kişilər olsun, hamı onu sevsin.
Levin və Kiti obrazlarını sevdim. Bir-birlərinə olan sevgisi, hörməti xoşuma gəldi. Levin çox düşünən və düşündürən birirdir. Ümumi kitab haqqında öz instagram səhifəmdə səsli olaraq paylaşım edəcəm. Sevgilərlə...
Anna KareninaReklam
İnce Memed Yaşar Kemal’in Türk ədəbiyyatındakı ən önəmli əsərlərindən biridir. 1955-ci ildə nəşr olunan bu roman yalnız bir qəhrəmanın mübarizəsini anlatmır, eyni zamanda Anadolu’nun kəndli xalqının yaşadığı çətinlikləri, ədalətsizliyi və feodal sistemin gətirdiyi təzyiqi də oxucuya təqdim edir. İnce Memed, xalqın ümidinə çevrilmiş bir qəhrəmandır. Onun mübarizəsi yalnız öz azadlığını deyil, bütün kəndlilərin hüquqlarını qoruma mübarizəsidir. O, özünü və xalqını zülmə qarşı qoruyarkən, azadlıq və ədalət axtarışını bütün cəmiyyətin birgə mübarizəsinə çevirir. Yaşadığı haqsızlıqlara qarşı müqavimət göstərən İnce Memed, başından keçən hadisələrlə xalqın gözündə əfsanəvi bir fiqura çevrilir. Yaşar Kemal bu qəhrəman fiquru ilə yalnız fərdi bir azadlıq mübarizəsini deyil, eyni zamanda cəmiyyətin dəyişməsi məsələsini də işıqlandırır.
Roman yalnız qəhrəmanlıq hekayəsindən ibarət deyil; eyni zamanda Anadolu’nun təbiətini, kəndli həyatını və feodal düzənin qəddarliyini təsirli bir dildə izah edir. Yaşar Kemal, xalqın dilindən, onların həyat tərzindən və mədəniyyətindən dərin izlər daşıyır. İnce Memedin mübarizəsi həm fərdi bir səyahət, həm də kollektiv bir müqaviməti əks etdirir. Bu roman yalnız bir kəndli qəhrəmanının deyil, bir cəmiyyətin səsinin yüksəlməsidir.
İnce Memed Yaşar Kemal’in ustalıqla işlədiyi bir əsərdir və həm fərdi, həm də cəmiyyətin azadlıq mübarizəsinin simvoludur. Anadolu’nun ağrıları, kəndlilərin müqaviməti və təbiət ilə insan arasındakı bağ bu romanda mükəmməl şəkildə birləşmişdir. Yaşar Kemal bu əsəri ilə həm Türk ədəbiyyatına, həm də dünya ədəbiyyatına mühüm bir töhfə vermiş və cəmiyyətlərin kollektiv mübarizəsini izah etməkdə bənzərsiz bir başyapıt yaratmışdır.
Sevgilərlə Pərvin
"Olmaq,yoxsa olmamaq?"1000Kitap
Bu kitabı çox əvvəl oxumuşdum,bunun üçün qələmi indi illər əvvəlki bu kitaba rastlayan kiçik yaşlı,ancaq qəlbinə bütün dünyaları sığdıra biləcək qədər böyük axtarışda olan 10 yaşlı Elmiraya ötürürəm...Sevgilərlə
"Salam, dost!Bilmirəm,belə xitab sənin üçün uyğun olarmı?Ancaq əminəm ki,məndən böyüksən indi. Mənə tez danış necədir böyümək,20-lərimi həyəcanla gözləyirəm.
Əvvəlcə sənə bir kitabdan bəhs etmək istəyirəm.Bəzən gözlərimizi qaçırarıq,əslində o cümlələr bizə ayna olduğu üçün.Amma sonra yenidən oxuyub,o güzgüdəki qırıq parçalarımızın bir-bir bərpa oluna biləcəyi cəsarətində olarıq.Bu kitabda öyrəndim ki, bəzən xoşbəxtlik uğrunda qaçdığımız yollar bizi həqiqətdə kim olduğumuzdan uzaqlaşdırır. Eyni qütblər kimidir xoşbəxtlik və öz mən'in. Nə qədər ona doğru qaçsan,bir o qədər uzaqlaşacaqsan.
Bu kitab öz dəyərlərimizə və həyatımızın mənasına doğru səyahət hekayəsidir. Əsas qəhrəman uğur və zənginliyin zirvəsinə çatmış, amma içindəki boşluğu heç bir lükslə doldura bilməmiş biri olaraq qarşımıza çıxır.Bütün dünyəvi sərvətləri və çox istənilən həyatı bir gün tərk edib, özünü tapmaq üçün fərqli bir yola çıxır.Kitabda daxili sakitliyi tapmaq,həyatı şüurlu şəkildə yaşamaq, mənəvi zənginliyi axtarmaq – bunlar bizdən yalnız düşüncələrimizlə deyil, bütün ruhumuzla dərk etməmizi tələb edən mesajlardır.
Sənə kiçik bir mesajım var : sən də indi 10'lu yaşlarındaki öz mən'ini düşün və unutma ki,o,hər zaman içindədir və sənə sonsuz güvənir. Onu sev və heç zaman incinməsinə izin vermə."
İllər əvvəl oxuyub,indi yenidən düşünmək məni bir daha dərk etməyə vadar etdi ki,"aidlik hissi",xoşbəxtlik yalnız maddi zənginliklə qazanılmır."Özümü axtarma yolunda"səyahətim hələ davam edir və bunu bilirəm ki,öz daxili səsimizi eşidə bilmək üçün bəzən "bağıran" dünyanın səsindən uzaqlaşıb
İnsan yenildiğini düşünürse, yarı yarıya öyle sayılır
Kitab adı: Beyaz diş
Yazıçı: Jack London
Nəşr: Türkiye İş bankası kültür yayınları
Dil: Türkcə
Səhifə: 258
Bu kitab mənə görə Jack London yaradıcılığının zirvəsidir. Bir çox əsərlərini oxudum, ancaq bu kitab qədər ürəyimdə dərin izlər salanı olmamışdır.
Əsər yarı qurd, yarı it olan Beyaz diş’in ilk əvvəl vəhşi təbiətdə, daha sonra isə yer üzərindəki ən təhlükəli canlılar arasındaki mübarizəsindən bəhs edir. Yəni insanların.
Onun əsər boyu üç sahibi olur. Beyaz diş onların hər birindən bir şey öyrənir. Bozqunduz’dan itaət eləməyi, Güzel Smit’dən nifrəti, Scott’dan isə Sevgi öyrənir.
Romanlara ağız-burun əyənlər sizə səslənirəm: Bu əsərdə fəlsəfə var. Bu əsərdə kapitalizm, sosializm, faşizm var
. Bu kitabı oxumadan ölməyin.
Sevgilərlə Pərvin
İnsan olmaq?!1000Kitap
Kitabın əvvəlcə, üz qapağından bəhs etmək istəyirəm. Mənə Freudun"buz dağı metaforası"nı xatırlatdı: şüur okeandakı buz dağına bənzəyir. Suyun altında qalan qism şüuraltı, su üzərinde qalan qism şüurun özüdür.Freud düşünürdü ki, insan zehninin yalnız kiçik bir hissəsi, yəni buz dağının suyun üstündəki görünən hissəsi şüurludur.Lakin aysberqin görünməyən tərəfi şüuraltını təmsil edir. Bu hissə insanın qorxuları, arzu və istəkləri, travmaları və təcrübələrini ehtiva edir. Onlar birbaşa şüurlu düşüncəmizə çıxmasa da, davranışlarımızı və düşüncələrimizi ciddi şəkildə təsir edə bilirlər.
Bu kitab ilə astral səyahət etdiyimi düşündüm, tək özümü deyil, tanıdığım hər kəsi başqa bir perspektivdən analiz etdim, çox düşündüm,özümü ən çox sorğuladığım zamanda"niyə"lərimə şillə kimi təspitlərlə cavab verdi bu kitab...kimi zaman canımı acıtdı,ağlatdı, gülümsətdi.
Və bir an düşündüm ki, bu kitabdakı cümlələri birəbir deyə bilən bir "falçı" olsa, evini belə satmağa razı olacaq millətim,bunları kitabdan oxusa nə edər...)
Fərq ondadır ki, burada dr.Enginin "fal"ı üfunət qoxulu tüstü və şamlar,zəncirli muncuq və kartlar əvəzinə,qızıl kimi bilimi,on illərə dayanan klinik təcrübələrini sərpmişdi ortalığa...
Bundan öncələr fəlsəfə, roman, şeir, dram,tarixi,detektiv, psixoloji və bunun kimi janrlarda oxusam da uzun zaman idi sanki içimdə çox dərin boşluq var idi, bu kitab ruhumun ehtiyaclarını qarşılaya biləcəyim yolu cızdı mənə...
Və hər kitab sonunda insanın öz ağuşuna sığındığı o melanxoliya:"-Mən nə qədər də çox şey bilmirəm..."
Və deyəsən bir az da determinist baxış bucağı əldə etdim,-deyə bilərəm; "heç bir nəticə səbəbsiz deyil."
Heç bir davranış və düşüncənin boşuna olmadığı kimi).
Özünü kəşf etməyə hazır olan hər kəs oxusun-,deyirəm.
Sevgilərlə
İnsan Olmak 
Engin Geçtan
İnsan Olmak Engin GeçtanReklam
Reklam