Diqqət! Spoiler var!
Bəzi kitablar vardır, o qədər fərqli və qeyri-adi qurğuya sahib olarlar ki, onları oxumaqdan aldığımız zövq əsla bitməz.. "Marslı" kitabı da mənim üçün eynən bu tərz kitablardan biri oldu..
Kitabı indi bitirdim və yaşadığım hisslər o qədər qarışıqdır ki, fikirlərimi bölüşməyə haradan başlayım, necə başlayım bilmirəm..
1 qrup şəxsin Marsa olan yolculuğundan bəhs edən bu əsərdə təbii ki, real həyatda olduğu kimi hər şey öncədən planlandığı kimi baş vermir.. Vəə Mark Watney Marsda tək və yalqız qalır. Onun əzminə, bacarığına və sonsuz inancına heyran olmamaq əldə deyil..
Kitabı oxuduqca, "görəsən neçə nəfərimiz onun yerində olsaydı, eynilə onun kimi durmadan çalışar və ümidini üzmədən mübarizə apara bilərdi?" Sualını düşünürdüm.. Məncə, çox azımız bunu bacara bilərdik..
Və məni ən çox heyrətləndirən bir başqa məqam isə onun mürəttəbatının digər üzvlərinin Mark'ı xilas etmək üçün ölüm bahasına belə olsa, mücadələ edib, öz həyatlarını bilərəkdən riskə atmağa bu qədər çox könüllü olmaları oldu.. Dostluq da tam olaraq belə bir şeydir..
Bu kitab dostluğun müqəddəsliyinin, inancın və ümidin heç vaxt boşa çıxmadığının bariz nümunəsidir..
Son olaraq, onu qeyd edim ki, Mark'ın da dediyi kimi "əksər insanlar ən çətin zamanlarda birlik olub bir-birilərinə yardım etməyi sevirlər və onların qəlbindəki yaxşılıq hissi əsl o zaman özünü büruzə verir.." 
Andy Weir 
Marslı
