"Kəndirlə dirəyə bağlanmış uzunqulaq qurtulmaq üçün vurnuxur və dirək ətrafında dövrə vurur. Nəticədə, azad olmaq əvəzinə, kəndiri dirəyə doladığı üçün hərəkət edə bilmir və bir yerdə qalmağa məcbur olur. Eyni halı insanlara da aid etmək olar: insanlar öz təşviş, qorxu və həyəcanlarından qaçıb qurtulmağa çalışdıqca, bu mənfi emosiyalara daha çox qapılır və daha çox əzab çəkirlər.