Salam. Bu kitabla bağlı düşüncələrin çoxu Xalid Hüseyninin əsərləri ilə müqayisə edilir. Düzdür, onun romanlarındakı ab-havanı mən də axtarmadım deyə bilmərəm. Ancaq, bu romanda da Əfqan xalqının taleyi, qadınların cəmiyyətdən tədric olunması, Taliban rejiminin qəddarlığı, apardığı islahatlar, ölkənin necə sürətlə çökdüyünü görmək və dirçələ bilməyən Əfqanıstanın taleyinin müəmallı olması üzücü haldır.
Mövzusu Əfqanıstanın paytaxtı olan Kabildə yaşayan bir ailənin həyatından bəhs edir. Kabildə kitab mağazaları olan Sultan Xan və onun ailəsinin yaşadıqları hadisələri Amerikalı jurnalist roman halına gətirərək oxuculara təqdim edib. Kitabda o qədər məni əsəbləşdirən məqamlar var idi ki...
Sultan Xanın ailəsindəki qadınlara etinasız yanaşması, onların heç bir söz haqqı olmaması, qadınların əzilməsi və xor görülməsi heç də xoşa gələn məqamlar deyildi. Ən maraqlısı da, qadınların bu cəhallətdən çıxmaq istəyib də, çıxa bilməməsi, susmaları, qorxularına yenik düşmələri bir qadın olaraq mənə təsir etdi. Oxumaq olmaz, tək qalmaq olmaz, söz haqqı kimdədirsə yalnız onun dediyi olmalıdır, sevmək olmaz... Çox təəssüf ki, bu hallar bu gün də davam edir orada. Ümid edirəm ki, yaxın gələcəkdə o xalq bu cəhalətdən qurtulacaq. Oxuyun, Oxutduru. Kitabla qalın.