Özündə başqalarına pislik etmək haqqını görən şəxslər, düz etdiklərinə, inanclarına və haqlı olduqlarına tərəddüdsüz əmin imişlər. İrqçilər ona görə irqçidirlər ki, üstün genetikaya sahib olduqlarına əmindirlər. Din fanatları özlərini partladıb çoxlu insanı ona görə öldürürlər ki, cənnətdə şəhid kimi yerlərinin hazır olduğuna əmindirlər. Kişilər qadınlara qarşı ona görə istismarçı və təcavüzkar mövqedədirlər ki, onların bədənlərinə sahib olmağa haqlarının çatdığına əmindirlər.
Pis insanlar heç vaxt pis olduqlarına inanmırlar, əksinə, digərlərinin pis olduğunu düşünürlər.
Tabor komandirinin təklifi ilə şəhərdəki inzibati binaya Azərbaycanın dövlət bayrağı asılır. Bayrağı isə qardașı birinci müharibədə şəhid olan rabitəçi Yașar
Hüseynov ucaldır. İlk azan səsi də onun ağzından səslənir. Bilalın oxuduğu ilk azan kimi hər kəsin ürəyinə su sərpən Hüseynov Şuşaya həqiqi sakinlərinin döndüyünü hayqırır
Moskva yolunda bəzi stansiyalarda qatarımız dayanır, biz bəzən bayıra çıxır, ətrafı seyr və tədqiq edirik. Bir dəfə Don çayı üzərindəki Rostovdakı böyük şose yolunu gəzmiş, zəruri ehtiyac Məhəmməd Əlini sıxışdırdığından su tökməyə məhrəm bir yer axtararkən rostovlulardan birisi bizə Marksın müvəqqəti heykəli arxasına getməmizi tövsiyə etmişdi. Öncə şübhə ilə qarşılaşdığımız bu təklifdə sonradan şübhəli heç bir şey olmadığını şəxsən görmüş, heykəlin arxa tərəfinə yaxınlaşınca buranın həqiqətən də bir həla olduğuna heyrət etmişdik. Xarkovda gördüyümüz mənzərə isə daha əcayibdi. Stansiya ətrafında marksizmin böyük mürşüdü və bolşevik inqilabının ən çox sitayiş olunan ideoloji simvolu Marksın gipsdən yapılmış qoca büstünün ağacdan olan əsasının yanları Qızıl Ordu nəfərlərinin ifrazatı ilə pislənmişdi. Bu mənzərə kommunist inqilabı ünsürləri ilə kommunist idealı arasındakı mənəvi rabitə haqqında bizə qəti və aydın bir fikir verirdi.
Finlandiya Sovetlərə qarşı istiqlal mübarizəsi aparmışdı və bu mücadilədə öz istiqlal və hürriyyətini Lenin hökumətinə qəbul etdirmişdi. Finlandiya istiqlal hərbində şəhid düşənlərin qardaş məzarları üzərində Finlandiya paytaxtı Helsinkinin mərkəzində bu məmləkətə xas qranitdən bir abidə qoyulmuşdu. ...Sovetlərdə gördüyüm Marks abidəsinin halı ilə Helsinkidəki bu şəhidliyin vəziyyətinin müqayisəsi təfsirə möhtac olmasın gərək!
