Bir insan niyə qətl törədər?
İntiqam üçün? Ola bilər. İçindəki kin'də nifrət'də o qədər boğular ki insan bu qaranlığ okeanda boğulduqca səbri tükənər özündən çıxar və öldürər.
Qorxduğu üçün? Oda ola bilər. Qorxar nə edeceyini bilməz və istəmədən və ya istəyərək çarəsizlik səbəbiylə öldürər.
Ya da öldürməkdən zövq alır deyə öldürür?
Möhtəşəm bir kitab idi. Kitab Fəxri adlı rəssamın qətlindən bəhs edir. Qətlin kim tərəfindən törədilməsi müammadır. Lakin bütün kitablarda olduğu kimi, bu kitabda da Qanbay Qasımlı öz işini layiqincə edərək gerçək qatili tapır. Bu sırada günahsız yerə bütün dəlillər Cəfər adlı qonşusunu göstərirdi. Həmçinin Cəfərin həyat yoldaşı Əsmərdə yalan şayələr üzündən çıxılmaz vəziyyətə düşmüşdü. Qanbay Qasımlı ilk dəfə çıxılmaz bir yola düşür. Və sadə görünən,amma qarmaqarışıq olan bu işi həll etməkdə çətinliklər çəkir. Amma sonda diqqətindən qaçan kiçik bir nüansı göz önünə qoyduğunda bütün sirri açır. Kitabı oxuyarkən həm təəccüblənəcək, həm də qəzəblənəcəksiniz. Çünki Aybikə adlı obraz insana qəzəb və qaranlıq hisslərdən başqa heç nə bəxş etmir.
İnsanlar nə vaxt öləcəklərini heç vaxt bilmirlər. Öz dünyalarını yaradan və bu dünyaya kənardan baxanlar isə özlərinin nə vaxtsa ölə biləcəklərini belə qəbul edə bilmirlər. Amma hər kəs mütləq nə vaxtsa ölür. Nə vaxtsa...