Əsərdə hadisələr XVIII əsrin sonlarında iki şəhər - Paris və Londonda cərəyan edir. Bu zaman biz dövrün ingilis və fransız cəmiyyətinin spesifik cəhətlərini oxuyuruq. Əsərdə Fransa burjua inqilabı, onun səbəbləri, inqilab baş verdikdən sonra ölkədə yaşanan dərəbəyliyin təsvirinə geniş yer verilib. Bütün bunların fonunda eşq, fədakarlıq, intiqam, səfalət təsvir olunub.
Əsərdə Fransa aristokrat təbəqəsinin dilindən belə bir ifadəyə yer verilmişdi: "Çörək tapmırlarsa, ot yesinlər". Bu cümlə mənə həmin dövrdə Fransa kraliçası olan və inqilab nəticəsində edam edilən Mariya Antuanettaya aid edilən "Çörək tapmırlarsa, tort yesinlər" ifadəsini xatırlatdı. Əsərin əvvəlində hadisələr bir qədər ağır irəliləsə də, yarısından sonrası çox axıcı davam etdi, sonu isə mənim üçün tamamilə gözlənilməz oldu, əsəri çox bəyəndim