...- Nə ola bu günləri tutub saxlaya biləydik.
Müşfiq dərindən köksünü ötürdü: - Axar suları saxlamaq mümkünsə bu günləri də saxlamaq olar. Bu günlər ötüb keçəcək, ancaq hərə bu dünyada özündən sonra bir iz qoyub gedəcək. O izlər içərisində bizim də izimiz olsa, deməli biz də o günlərə qoşulacağıq. Bu günlərdə yaşayacağıq.🍃✨
- Müşfiq, sən elə hər sözə şeirlə cavab verirsən?
- Dilbər, şeir mənim həyatımdır. O, həmişə pərvazlanmaq istəyən bir quşa bənzər. Sən isə bu quşun əbədi qanadısan!💖🌿
Gözlədim yolunu həsrət içində, Tükəndi taqətim, neçin gəlmədin? Şəhdi-vüsalından üzüldü əlim, Ey dilbər afətim neçin gəlmədin?
Əlimdəki qələm bir sədəfli saz, Nə qədər səninçün çoşar, yorulmaz! Aramızda olan zəncir qırılmaz, Ey sözüm-söhbətim, neçin gəlmədin?
Gözlədim yolunu, hava qaraldı, Bu qaranlıq hava ruhumu sardı. Səndən qəmgin könül sevinc umardı, Sən ey səadətim, neçin gəlmədin?